Hibru 1:11 - mzwDBL

¹¹ A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa kɛŋɔ yal yon hɛh la.

Hibru 1:11 ပူးပေါင်းရင်းမြစ်များ

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Yela 29:10

Korowii dɛ di kora mpo vile ta, o dɛ di kora saŋ bɛlbwa dɛɛ la.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Aesaya 41:4

Umee ɛ waa nɔ dɛ ɡel a maɡre, kɛŋɔ waa yerɛ nɛra ne ba naanar ne ba ɡe naanar le mumpar bá ɛ o toma ɔ? Men Korowii maa lole le mumpar la, menee ɛa, menee dɛɛ ba nɛra baa ka mun ɡe nɛɛ jae.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 50:9

Nemenɛ Korowiirii dɛɛ cha mɛ, umee dɛ́ won pa mɛ bolchɔɡe ɔ? Ba bwa ɛɛ chɔɡoo kɛŋɔ yal sɛɛle aa diu la ken.

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Aesaya 51:8

Ba bwa ɛɛ heo kɛŋɔ, sɛɛle aa di laala kɛɛ dudule aa dɛ chɔɡ yabii ken. Kɛ toɡra n wa aa toɡra ɛɛ do le saŋ bɛlbwaa, ásɛ lɛɛ maa lɛ nɛra la chɔ ka le naanar baa ka ba bwa.”

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Mak Aa Chwera Tɔn 13:31

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Luk Aa Chwera Tɔn 21:33

Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.

Hibru 12:27

A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.

Hibru 8:13

Korowii aa dɛ bol fɔofale waa nɔ, onloɡle la berɛ ombene. Waa berɛ ombene nɔ, o kpeɡri tonɔ, wɛɛ ba nyoɡra.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.