Haɡae 2:22 - mzwDBL

²² Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Haɡae 2:22 ပူးပေါင်းရင်းမြစ်များ

2 Webena 15:6

Harɛre nɛra yon dɛɛ yo dɔŋa, bwɛjena ɡe ɛɛ yo dɔŋa, dɛkalkɛ dɛ Korowiirii kpɔ wenaale baa ta ba nɛ harɛre la ta.

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

2 Webena 20:23

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Yela 76:6

Korowii Jekɔb aa dɛ tomɛ, haa aah ba la, ba jaɡre ne nɛra baa soɡe a ta bwa serewɔ.

Kaala 14:17

Mɛɛ ɡeloo Ijipt tena deŋne do kpeɡri, ásɛ ba ti heya. Belaa mɛɛ ba n jirima dɔe dɛ́ le Ijipt kooro ne o laa tena ne kwaa aa do kɛ torɔɡore, dɛ nɛra baa dɛ so jaɡre ta la bwa nɛ.

Kaala 14:28

Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

Kaala 15:19

Gɛɛ a do Ijipt kooro kwaa aa do kɛŋɔ torɔɡo ba vɔwɛ dɛɛ pɛl jaɡre, ne baala baa soɡe jaɡre ta bwa jo mpo la bini, asɛ Korowii ɡel nee la ba bɔle ba nɛ. O ɡelɔ Israel tena la te valɛ harɛpɛɛ waa hola ta mpo la bini dɛ le.

Kaala 15:4

Ijipt kooro kwaa baa vɔwa pɛl jaɡre ne o laa tena, o taɡɛ a bwa do mpo bini, Kooro nomonome tenten bwa sirimi mpo la bini.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Ɛsekeɛl 21:27

Mɛɛ chɔɡ bwɛjen laanee, dɛ́ chɔɡo chɔɡa ɡbaɡba! Kɛ wɛɛ do lee ka tel kɛŋɔ nɛn maa leo ŋɔ ó ba tɛr o bini nɛra deŋne aa ba, mɔɔ ń kpɔɔ do o nɔn ta.’ ”

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Ɛsekeɛl 39:20

N tiɡ ta, hɛɛ di jaɡre ne nɛra ba dɛ so a ta, ne banyoola, dɛ laa tena bwa soo siwii olaa, dɛ́ vaɡre ɡɛ bwa haa dɛ nyin. Men Nemenɛ Korowiirii bola.

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Emɔs 2:15

Nɛn waa jemɛ hɛm tae ɡba aa won che a nyoa, laa te bɛlbwa waa won chwae aa won le a nyoa, nɛn waa soɡe jaaɡɔ ta ɡba aa won lɛ o nyu.

Maeka 5:10

Asɛ Korowii ŋɔ, “Awola tɔpere la, mɛɛ chɔɡ jaɡre haa dɛ la ane laa, ne kwaa aa do kɛŋɔ torɔɡore ba vɔwɛ dɛɛ pɛla bwa.

Maeka 5:15

Mɛɛ kpɔ n bandia kohonaa ba ta harɛre nɛra baa wola n waa ta teŋɛ la nɛɛ dɛ́ chɔɡ ba.”

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Maeka 5:9

Gɛɛ he Israel tena ɛɛ ba yoi, dɛ́ pɔ he dɔma nɛ, ásɛ dɛ chɔɡ ba kwaraa.

Maeka 7:16

Harɛre nɛra ɛɛ nao sihiih kpo ba, ba kpeɡri bwa ɛ pɛɛpɛɛ. Ba bwara ɛɛ yɔroo, bá kpɔ nɔɔra tɔ nyoo, dɛ́ tɔɔɡe ba deŋna.

Sefania 3:8

Anomanta, Korowii ŋɔ, “Dɛɛ kpaa mɛ ka tel tɔpere la maa ba bol harɛre nɛra wa. N ɛ n liire kɛŋɔ mɛɛ boa harɛre nɛra, ne koranar ne ba harɛre nyoaa, ásɛ dɛ kpɔ n bandia kohona ba ta ba nɛ. N bwaawee ɛɛ ir ba nɛɛ kohonaa, ásɛ dɛ fuh harɛ nɔ bwa kɛŋɔ nii ken.

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Sekaria 12:9

Awola tɔpere la, mɛɛ chɔɡ harɛre aa dɛ yo Jerusalam tena laanee.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Matiu 24:7

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

1 Samoɛl 14:16

Kooro Sɔɔl laa tena baa dɛ daahno dɛ do Bɛnjamen harɛ ta Gebea la na Filisti tena kɛŋɔ baa wila, dɛ chwa sibeɡra ne bobɛlbwa dɛɛ kaa.