Habakuk 3:2 - mzwDBL

² N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Habakuk 3:2 ပူးပေါင်းရင်းမြစ်များ

Ɛsra 9:8

Kɛ taraken nɔ, n Naa Korowii yaa dɛ tomɛ, he sune ya nɛɛ tama bɛl, dɛ ɡel ya bini bane won chwa le yoma yawa ta, dɛ ba so deŋnesɔɔhna ta he Dea ta. He ɡelɔ ya dɔ ya te, dɛ tɛ yaa mkpafale.

Job Tɔn 42:5

Noe n no nɛra ɛɛ bol he wa, kɛ taraken, n ɡbabir kpɔ siwi nae.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 25:6

N Naa Korowii, lii he suna kohona, ne nyina aa wola jaɡa dɔe la wa, saŋ la bwaa a le, dɛ ba le fini.

Yela 38:1

N Naa Korowii, bɛ ɡel he baah di he pwaah mɛ, bɛ ɡel he baah di kohona, he tɛr n deŋne.

Yela 44:1

N Naa Korowii, ya noa deŋne ne, ya naawa bol wejena haa ɛa, ba bere saŋ la ya be.

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Wiile 3:32

A lole kɛŋɔ wɛɛ ba suna dii nee, kɛ wɛɛ berɔ dɔ tedoma, o nyina aa wola jaɡa dɔe kan kohona.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Habakuk 3:1

Korowii keame Habakuk waa waa soŋe Korowii nɔ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Amanesoma Jɔn Aa Chwera Tɔn 10:10

Ŋwɛɛ balaa, o balɔ dɛ́ ba ŋwɛ dɛ́ kpo dɛ́ chɔɡ kwa. Wedɛɛɡa waa laa wɛɛ ba. Kɛ n te balɔ dɛ ba tɛ heyaa mkpa ásɛ he dɔɔ kɛrɛdɛ.

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 12:21

Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”