Habakuk 3:18 - mzwDBL

¹⁸ Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Habakuk 3:18 ပူးပေါင်းရင်းမြစ်များ

2 Samoɛl 6:15

asɛ o ne Israel tena la bwa kpɔ silɛɛ lɔŋɔre dɛɛ hoh bɛle, dɛ kpɔ Daka la ba Jerusalam.

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Yela 104:34

N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 25:5

Baɡ mɛ he kasinteŋ waa la mɛɛ teŋɛ a ta, dɛkalkɛ henee Korowii maa dɛ tomɛ, he ɛ n Lɛɛ, he nɛɛ mɛɛ hwɛɡɛ tɔpere bɛlbwa.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 33:1

Nɛra he wa aa toɡra bwa, hé ɡo silɛɛ yela kpɛɛ Korowii waa waa ɛa wa, nɛra haa dɛ teŋɛ o waa ta bwa, hé kpɛɛro.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Yela 97:12

Nɛra he wa aa toɡra bwa, hé ɡel he sie lɛ, waa Korowii aa ɛa wa. Hé lii waa Korowii waa do ɡoroŋ aa ɛa, dɛ́ kpɔ jam tɛo.

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.

Amanesoma Luk Aa Chwera Tɔn 2:30

dɛkalkɛŋɔ n siwi na ya Lɛɛ,

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.