Habakuk 3:16 - mzwDBL

¹⁶ N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Habakuk 3:16 ပူးပေါင်းရင်းမြစ်များ

Job Tɔn 30:17

N hoɡa bini dɛ chwee mɛ jwaana, n bwara bini wee aa men ɡel bwa.

Job Tɔn 30:30

N bwadabii sie biro dɛɛ sɔle, n bwara bwa wɔrɔbɔ kɛŋɔ kabul aa laɡ mɛ ken.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Sɛɡla 12:4

Handɛɛɡe ɡelɔ o jaa ɛɛ dɔ jirima, kɛ haah waa kpɔ sihiih dɛɛ kpo o jaa la, do kɛŋɔ weela aa lɔ nɛn nɛ.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Wiile 1:13

Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Wiile 1:20

N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Daneɛl 10:8

Anomanta, a ka n ɡbo mɛɛ nyiŋi ɡɛ nyokpowaa nɔ, dɛ n ta bokpeɡa dɔe kpa, n siebɔr beɡre kɛŋɔ lale sie maa wola won ɛ wobɛlbwa.

Daneɛl 10:9

N noɔ kɛŋɔ baa la dɛ bol wa, asɛ mɛɛ no, n sie den bir mɛ, n chole kpɔ sie pi harɛ.

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”