Habakuk 3:13 - mzwDBL

¹³ He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Habakuk 3:13 ပူးပေါင်းရင်းမြစ်များ

2 Samoɛl 5:20

Anomanta, Kooro Devid iro, dɛ ka yoo ba Baal Pɛrasem, dɛ pɔ ba nɛ. Dɛ ŋɔ, “Gɛ nee yon su ba tɔ bobɛlbwa la, ɡɛɛ Korowii ba tɔ n dɔma nɛɛ n sie.” Anomanta, ba dɛ yerɛ bela Baal Pɛrasem.

Yela 105:15

“Nomɛlbwa bɛ nɔn kpɔ leɡe n bonɔɔna maa lee ba cheɡ tɛ n te nɔ, he bɛ n keamere nɔ bini bɛlbwa ha.”

Yela 105:26

Belaa o tomɛ o bonɔɔna Mosis ne Arɔn waa lee ba tɛ o te la.

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 20:6

Name, n jemɔ kɛŋɔ Korowii dɛ tɛ nɛn waa leo kɛ kooro kpeɡri, wɛɛ pɔ o dɔma nɛ. O dɛ sɛh o be nyundua bela waa do ɡoroŋ la, dɛ che o kpeɡri ta, dɛ ɡel o yo dɛɛ le.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Yela 68:7

N Naa Korowii, haa tɔ he nɛra sie, dɛ valɛ kpɔ pua hɛŋle ɡbo harɛ ta la,

Yela 77:20

He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Ɛsekeɛl 13:14

O ŋɔ, “Mɛɛ taɡɛ danjwɛɛ baa lɔɔ fula laanee ta ó bwa chɔ harɛ, ásɛ bwea baa kpɔa pa o mun la chɔ baŋ. Waa ba chole la, he bwa ɡe dɛ ba serewa. Ásɛ he jemɛ kɛŋɔ menee Korowii.

Emɔs 9:1

N na Korowii kɛŋɔ waa cheɡɛ kon baa dɛ ɛ saraha o ta la jwɛh, dɛ ŋɔ, “Kpɔ kon lɔ pilare la doa ásɛ Dea la doonyoa danjwɛɛre yiiɡi. Ásɛ a peri kuuɡi le nyundua ba le nɛra la nɛɛ ba serewe. Ba bini banɔ la baa ka la, mɛɛ kpoo ba laa taa. Ba bɛlbwa aa won le, beŋkpoŋ ɡba aa bɔree dɔ chwa.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 11:12

Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.