Habakuk 3:11 - mzwDBL

¹¹ Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Habakuk 3:11 ပူးပေါင်းရင်းမြစ်များ

Yela 19:4

Kɛ a webaɡla do kɛŋɔ wobol, dɛɛ tel harɛre bwa ta, asɛ a waa ɛɛ tel harɛ jaɡa bwa. Korowii kwaa bɔr nyundua bela tɛ wee,

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Aesaya 38:8

Wɛɛ ɡeloo wee chunchule kaa mun ta, ásɛ chunchule ka dawɛ kon Kooro Ahas aa mao dɛ che o ta teeh dɛɛ jo dea la naɡale fi kon la ta.” Waa bol ɡɛ la, wee berɔ kaa mun ta, chunchule la ka dawɛ naɡale fi kon la ta.

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.

Habakuk 3:9

He harɛ he to kpa, dɛɛ nyin he ta he hɛma. He kpɔ bwaala nyɛɡla pere harɛ bini.

Sekaria 9:14

Korowii ɛɛ le nyunduaa dɛ́ ba o nɛra be, ásɛ o hɛm nyɛɡle kɛŋɔ bwaala nyɛɡla ken. Nemenɛ Korowii ɛɛ hoh laa bɛlaa, dɛ́ valɛ peujen bini kpeɡri ne le weekaŋle harɛbɔr ba.