Habakuk 2:9 - mzwDBL

⁹ Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Habakuk 2:9 ပူးပေါင်းရင်းမြစ်များ

Yela 49:11

Ba lalbɔɔne ɛɛ ber ba deenee bá chɔ a bini, a lole kɛŋɔ dɛ ba fa dɔ harɛre, baa do belaa saŋ bɛlbwaa dɛɛ la.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 49:16

He mbarafo neɡre heya kohona, he dɛ lii kɛ nomɛlbwa dɛ́ ɔmɛ heya, he dɛ neɡre he te. He soɡe bɔɔne bini bwejena dor. A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela le harɛ.’

Jeremia 51:13

Babelɔn tena, he nɛra haa soɡe neerare aa wara nyoo dɛ dɔ kondɔɔh kohona, he serewa telo.

Jeremia 51:53

Hale Babelɔn wono kaa nyundua, o dekpeɡa kaa nyundua kwaraa naa, mɛɛ ɡeloo nɛra ba chɔɡo. Men Korowiirii bola.”

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Obadia 1:4

A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela ba harɛ. Men Korowiirii bola.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.