Habakuk 2:8 - mzwDBL

⁸ He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.

Habakuk 2:8 ပူးပေါင်းရင်းမြစ်များ

Yela 137:8

Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

Sɛɡla 22:23

Korowii ɛɛ bol a ɡɛ nɛra la waa tɛɛ ba, ásɛ ɡɛ haa lɛɛ ba kwaa la, ó lɛ le he be.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 33:4

Gɛ tontombɛ aa dɛ di koo kwaa bwa la, ɡɛɛ baa ba ba laala pae laa ta a tonɛ.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Jeremia 50:14

Nɛra haa jemɛ hɛma tae bwa, hé kpɔ he te dɛ́ ka bar bwɛjen Babelɔn cheme. Hé ta nɛra baa lɔ o bini hɛma, he bɛ ɡel ane ka, dɛkalkɛ ba ɛ wechɔɡa dɛ jo men Korowii nɛ.

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Jeremia 51:13

Babelɔn tena, he nɛra haa soɡe neerare aa wara nyoo dɛ dɔ kondɔɔh kohona, he serewa telo.

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Jeremia 51:48

Belaa koŋkwaa aa lɔ nyundua ne harɛ ɛɛ ba silɛɛ lɔŋɔre doe Babelɔn wa, dɛkalkɛ nɛra dɛ ba weekaŋle nyunduabɔr lee dɛ́ ba yoo dɛ́ chɔɡo.

Jeremia 51:8

Babelɔn ɛɛ piɡru paɡre dɛ́ chɔɡ. Hé wi dɛɛ tɛ o nɛra! Hé nyin noo aa ɛ tɛɛɡa do ba ŋwɛra ta, a ken ɛɛ ɡeloo bá dɔ bokpeɡa.

Ɛsekeɛl 28:16

He sie fa beɡrɔ hɛɛ di bona, a che a ta he ɛ naɡrenyini, dɛ ɛ wechɔɡa. Asɛ n doŋi le n bwejen waa do ɡoroŋ la ta, dɛ ɡel Kerob la waa dɛ daahne la le he ne bwea aa dɛ nyɛɡle la baah ta.

Ɛsekeɛl 39:10

Aa hiah kɛŋɔ ba la kpɔɡ bini ka nyin daa kɛɛ dɛ́ ka teŋni daa kɔr bini ba mar kpa, dɛkalkɛ baa dɛɛ mar dɔmkwaa laanee. Ba ɡe ɛɛ ka pa nɛra baa pa ba laala laa ta la laalaa. Men Nemenɛ Korowiirii bola.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Habakuk 2:10

He vɔrɔwɔ dɛ chɔɡ harɛre nɛra kohona, dɛ ɡel sihiih kpo he ɡbaɡba dem tena, dɛ berɛ ba waane ba dawɛ he nɛ.

Habakuk 2:17

Gɛ haa teŋe Lɛbanɔn harɛ ta daa la, ɡɛɛ Korowii ɛɛ ba he ɡe chɔɡa. Gɛ haa kpo kpɔɡ bini ola la, ɡɛɛ hɛɛ ba a waa nae. He kpoo nɛra dɛ fuɡe ba chal ta harɛ la ta, he chɔɡ harɛre ne bwɛjena ne a nɛra bwa.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”