Habakuk 2:19 - mzwDBL

¹⁹ Nɛn waa ŋɔ dakpul be ŋɔ ó dɔ mkpa, kɛɛ dɛ ŋɔ bwe waa wola hweera dɔe be ŋɔ ó ir la, ó bwɛɛlɛ! Wɛɛ won baɡle wa aa? Suuɡaswɛm ne suuɡapoŋee ba kpɔ fɔɡle o bwa, o ta hweera bɛlbwa dɔe.

Habakuk 2:19 ပူးပေါင်းရင်းမြစ်များ

Yela 135:17

A dɔ deŋna, aa waa no, aa won hwee ɡe.

Jeremia 10:4

Ba kpɔ suuɡaswɛm ne suuɡapoŋa ɛ o bwara, ó do wer, dɛ kpɔ hamba lɔ dadowɛre do o ta, ɡɛ aa ɛ ó che kiŋkiŋ, dɛ bɛ chole.

Jeremia 10:9

Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”

Daneɛl 3:18

N naa kooro, hale dɛ Korowii ta yaa ba lɛɛ kwaraa naa, yaa he voɡa kɛɛ kon haa kpɔ suuɡaswɛm kwaaro laanee tomɛ.”

Daneɛl 3:7

Anomanta, harɛre nɛra bwa ne wobol bɛlbwa nɛra baa le harɛre ta ba aa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii la, ba den ɡuŋi dɛ duu suuɡaswɛm voɡ Kooro Nebukadnesa aa cheɡo la.

Daneɛl 3:1

A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Jeremia 51:47

Anomanta, saŋ bɛl dɛ ba, ásɛ n chɔɡ voɡa aa lɔ Babelɔn harɛ ta. Sihiih ɛɛ kpo harɛ la nɛra bwaa, ásɛ ba kpoo ba ba serewe chɔ o ta.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Aesaya 46:6

Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

Aesaya 44:17

Daa la pera ɡe, o kpɔɔ dɛɛ sɛh voɡ, dɛɛ yerɔ o dɔɔ, dɛ ɡuŋi dɛɛ tomɔ, dɛɛ soŋo ŋɔ, “N dɔɔree hen, kpɔ nɔn tɔ n nɛ.”

Aesaya 40:19

Voɡ te, loɡree dɛɛ loɡɔ, asɛ nɛn waa dɔ suuɡaswɛm kpɔe dɛ ɛ kwaa wejema ɡe yon kpɔ suuɡaswɛm ɛ o bwara, dɛ ɛ suuɡapoŋa jɔɡrɔre doo.

Yela 97:7

Sihiih kpo nɛra baa dɛ tomɛ voɡa bwa, nɛra baa kpɔ voɡare dɛɛ maŋkura ba te, ne voɡa bwa dɛ ɡuŋi Korowii sie.

Jona 1:5

Aa ba ɡɛ la, ɔmee lawɛ nɛra baa lɔ stiimae la bini bwa, asɛ bɛlbwa wi dɛɛ yerɛ o voɡ waa dɛ tomɛ. Ba pa laala aa lɔ stiimae la bini la dɛɛ ta nee ta, ásɛ o do fɛɡre. A ɡɛ waa nɔ bwa aa dɛ chiɡ la, jaah dɛ Jona te lɔ stiimae la lɔɡa bobɛl, dɛ te chɔ dom kwaraa.

Yela 135:15

Suuɡapoŋa ne suuɡaswɛm nee ba ɛ harɛre la voɡare. Nɔɔra nee ba kwaara.

Aesaya 26:14

Taraken, ɡɛ nɛra la serewɔ, ba toole kpa, ba lala aa ir kpa. He tɛr ba deŋne dɛ chɔɡ ba, nomɛlbwa aa ba waa lii kpa bwa.

Aesaya 41:26

He bini ume voɡee bola bil wubwa kɛŋɔ waa nɔ ɛɛ chiɡuu ásɛ ya jemɛ kɛŋɔ o dɛ bol kasinteŋ ɔ? Voɡ bɛlbwa toole dɛ bol ɡɛ waa nɔ. Nomɛlbwa ta an noɛ le he be bwa.

Aesaya 57:6

Bwea aa bwara aa loɡaa, he kpɔ le nenabɔɔne ta ɛ voɡa dɛɛ toma. Anee he wee sen saraha dɛɛ tɛa, dɛɛ tɛa mea saraha ɡe. Anɔ nɔ bwa, a chɛ kɛŋɔ, n sie lɛ a ta naa?

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Jeremia 10:3

Ba nawee waa bwa ɛ wepuu, ba yon teŋe daa le kɔr bini, ásɛ nɛn waa jemɛ kwaa sɛɛh kpɔ o buni sɛoh.

Jeremia 51:17

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.