Habakuk 2:1 - mzwDBL

¹ Mɛɛ iruu che n jɛŋla doa, dɛ́ nyiŋi dɛ́ no waa Korowii aa dɛ ba n be bola. Dɛ o chaŋ mɛ naa, ń na ɡɛ maa dɛ ba o be bola.

Habakuk 2:1 ပူးပေါင်းရင်းမြစ်များ

2 Samoɛl 18:24

Dɛ Kooro Devid ta soɡe bwɛjen la bini doonyoa ne baŋ kon la baah ta, nɛn waa dɛ daah bela la teehnɔ kaa danjwɛɛ la kaa ka che o doa, dɛ ka pɛl o doonyoa. Waa dɛ nyiŋi la o na baa bɛl waa dɛ chwa.

2 Koranar 17:9

Waa aa ɡwaala kwaraa kɛŋɔ, Israel tena sɔɔh ɛ waa aa wola Korowii baa dɛ tomɔ tea toorɛ. Ba cheɡ voɡare ba bwɛjeɡre ne bwɛjena baa ma danjwɛɛre bara bwa ta.

2 Koranar 9:17

Dɛ nomɛl waa dɛ daah Jesreel cheɡɛ dejaŋ doa dɛ na Kooro Jehu ne o laa tena aa dɛ ba, asɛ o do lɔŋɔ ŋɔ kooro be ŋɔ, “N na laa tena bane aa dɛ ba.” Anee Kooro Joram ŋɔ, “Tomɛ nomɛl ó so jaaɡɔ ta dɛ́ ka bɔɔ ba ŋɔ, ‘A somaa?’ ”

Job Tɔn 31:35

Dɛ n fe dɔ nɛn waa no n wa, n kpɔ n waa bil o sie, Korowii Waa Ɛ Kpeɡri Bwa Dɔɔree dɛ́ chaŋ mɛ, nɛn n ne waa dɔa la, ó chwerɛ waa la.

Job Tɔn 31:37

Mɛɛ baɡle Korowii wobɛlbwa maa ɛa n baŋa pa ásɛ n ba o sie maa wola ɔmɛ.

Yela 5:3

N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 21:5

Chaahna la bini la, n nao kɛŋɔ baa kpɔ kondikwaa cheɡ tiɡ ta, dɛ pa yale pa harɛ dɛ so a ta, dɛɛ di kwaa dɛɛ nyɔ sen! Buɡ la ta, taa den le ŋɔ, “Laa sitɔɔla, hé ir! Hé ka kpɔ dɔmkwaa haa kpɔa dɛɛ tɔ he te ɡbemɡbe laa ta la!”

Aesaya 21:6

Korowii berɔ ŋɔ n be ŋɔ, “Kpɔ nɛn ó kaa daah, ásɛ wobɛlbwa waa na la ó ba bol.

Aesaya 21:8

Belaa nɛn waa dɛ daah la kpɔ takpeɡ ŋɔ, “Nomoa, chɔɔ ne jwaana bwaa n che dejaŋ doa dɛɛ daah.”

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Ɛsekeɛl 33:7

Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

2 Kɔrent 13:3

He fa dɛ nyin he na waane dɛ jemɛ kɛŋɔ Yeesu Kristoo soɡe n nɛɛ dɛɛ bol waa la. Too, hɛɛ nao. Kpeɡri ta on nyae. Wɛɛ baɡle o kpeɡri he nɛɛ.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.