Habakuk 1:9 - mzwDBL

⁹ Ba dɛ ba naa, naɡrenyin we-ɛɛla ɡboo lɔ ba sie ta. Nomɛlbwa waa no ba bala waa la, dɛ ɔmee lawɔ. Nɛra baa laɡ ba laa ta la warɔ, kɛŋɔ mpo nyoa hɛŋle ken.

Habakuk 1:9 ပူးပေါင်းရင်းမြစ်များ

Mumpar 41:49

Josef ɡelɔ ba lɛ kondikwaa cheɡ a warɛ kɛŋɔ mpo nyoa hɛŋle ken, anomanta, o berɔ ɡel a maɡa.

2 Koranar 12:17

Gɛ saŋ dɛ Siiria Kooro Hasael ne o laa tena laŋɔ ka yo bwɛjen Gat tena dɛ pɔ ba nɛ, dɛ kpɔ sie chaɡɛ Jerusalam dɛ́ fe ba yo ba ɡe.

Job Tɔn 29:18

N liiro kɛŋɔ ń dɔ mkpajaŋ, dɛ́ chɔ n dem sewɛ sɔnɔnɔɔ.

Yela 139:18

N ŋɔ n kura aa, a ɡwaa mpo nyoa hɛŋle. N chɔɔ dɛ har kwaraa naa, n ne henee ta.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

Jeremia 15:8

Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 4:11

Gɛ saŋ baa ŋɔ Jerusalam tena bee ŋɔ, peuwɔb bɛl tao le bwejena dor pua hɛŋle ɡbo harɛ ta, dɛ́ ba ta Jerusalam tena nɛ, kɛ peu waa do kɛ bá kpɔ palɛ kwaa laa.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Ɛsekeɛl 17:10

Hale ba fuɡru ka chɔɔ bofale aa, wɛɛ won kpeɡ dɛ́ do wer ja aa? Dɛ wee leebɔr peuwɔb tao waa, wɛɛ sewɔɔ dɛ den hol che harɛ la ta bela.’ ”

Ɛsekeɛl 19:12

Ba baah di o nɛɛ kohona, dɛ huɡru ɡo. Wee leebɔr peuwɔb tao dɛ ɡel o kpala la ne o nɔna la hol, nii fuh a bwa.

Daneɛl 11:17

Siiria kooro ɛɛ dɛɛ nyinuu kɛ o kpɔ o harɛ ta laa tena bwa ba. Waa dɛ nyin o chɔɡ o dɔma harɛ nomanta, o ne Ijipt kooro la ɛɛ fɔwɛ fɔwee, ásɛ o kpɔ o bihaah tɛo ó mo, kɛ ane a bwa, aa on cha.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Habakuk 1:17

Baa ɡeloo ba teŋɛ dɛ́ kpoo harɛre nɛra kɛŋɔ pɛŋa baa wola ba sumii na naa?

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.