Habakuk 1:8 - mzwDBL

⁸ Ba jaɡre ɡbaŋre ɡwaa nonietena, dɛ do ɔma ɡwaa ɡboli lɔr aa dɛ kpoa jɔmɔra. Ba nɛra baa soɡe jaɡre ta ɡe le bojaŋa, dɛ chwa kohona dɛɛ ba, kɛŋɔ kokosakire yon ir le nyundua ba harɛ baa di ol la.

Habakuk 1:8 ပူးပေါင်းရင်းမြစ်များ

Job Tɔn 9:26

A do kɛŋɔ ɡbera aa chɔŋɛ nee sie dɛɛ kaa warane, kɛɛ kee aa le nyundua, dɛɛ ba ba lawɛ kon di la ken.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 48:40

Waa Korowii aa dɛ bol laanee nɔ. “Hé na, mɛɛ ɡeloo dɔma lɔ ba tɔ Moab harɛ ta, kɛŋɔ kee yon le nyundua dɛ́ paɡri kena dɛ́ ba ta jal la ken.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Wiile 4:19

Ba ɡbaŋre ɡwaa kɛŋɔ kee yon le nyundua la ken, dɛ ba tɔ ya nɛ. Ba ti yaa bwejena dor, dɛ ka sɔh dɛɛ kpaah yaa pua hɛŋle ɡbo harɛ ta.

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 17:3

dɛ ɡel ba jemɛ kɛ men Nemenɛ Korowii ŋɔ, ‘Keejen bɛl o kena aa kpeɡa, o pona do jaŋne dɛ do wer iro ba Lɛbanɔn, dɛ ba lawɛ peleme daa kpale waa pama kaa nyundua

Ɛsekeɛl 26:11

Baala baa soɡe jaɡre ta la ɛɛ kpɔ jaɡre laanee kpɔ fɔɡbaahna dɛɛ kpoo nɛra keri ne, ásɛ ba pilajena bwa ɡe kuuɡi.

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Neehum 2:5

Niniwe laa nomoa le o laa tena baa kpeɡa, kɛ ba lɔ nakpale ŋwɛnɛ ta dɛɛ ba. Ba chwao dɛ ka marɛ bwɛjen la danjwɛ, dɛ kpɔ kon tɔ ba te ɡbemɡbe.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Matiu 24:28

‘Bela konlale aa lole la, belaa kokosakire ɛɛ cheme.’

Amanesoma Luk Aa Chwera Tɔn 17:37

Anee o habɔteŋra la bɔɔro ŋɔ, “Ya Dɔɔ, leperaa aa ba chiɡa ɔ?” Asɛ o ŋɔ ba be ŋɔ, “Bela konlale aa lole la, belaa kokosakire ɛɛ cheme.”

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.