Habakuk 1:4 - mzwDBL

⁴ Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

Habakuk 1:4 ပူးပေါင်းရင်းမြစ်များ

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Job Tɔn 21:7

Ɛrɛɛ Korowii ɡel nyubinikpeɡ tena so biɡri, dɛ hwɛɛh dɛɛ dɔ ba te nɔɔ?

Yela 11:3

Dɛ nyubinikpeɡ tena chɔɡ wedɛɛɡa ŋwɛnaa, ɛrɛɛ nɛra baa dɛ teŋɛ Korowii waa ta ɛɛ ba ɛɛ yɔ?”

Yela 119:126

N Naa Korowii, saŋ telo kɛ he ir nyu ne, dɛkalkɛ nɛra vɛh he Mmarare la ta teŋa.

Yela 22:12

Dɔma warɔ dɛ bar mɛ cheme, kɛŋɔ Basan harɛ nabala a bwara aa kpeɡa ken.

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

Yela 59:2

Lɛɛ mɛ le wechɔɡ-ɛɛra nɔn ta, banɔ la baa dɛ kpoo nɛra la.

Yela 59:4

N ta wechɔɡa bɛlbwa ɛɛ, kɛ ba ɡe ɡarɛ dɛɛ nyin dɛ́ yoo mɛ. N Naa Korowii, ir nyu ne, dɛ́ cha mɛ n waa nɔ ta.

Yela 94:3

N Naa Korowii, saŋ besoo hɛɛ ba soɡa nyiŋi, dɛ́ ɡel nyubinikpeɡ tena lɛ ba sie ka tel ɔ?

Kaala 23:2

He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Aesaya 5:20

Hé bwɛɛlɛ, he banɔ la haa dɛ yerɛ wechɔɡa wedɛɛɡa, dɛ berɛ dɛɛ yerɛ wedɛɛɡa wechɔɡa, haa kpɔ biro berɛ bochaah, dɛ kpɔ bochaah berɛ biro. Hé kpɔ koŋkpela berɛ kontora, dɛ kpɔ kontora berɛ koŋkpela.

Aesaya 59:12

N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Jeremia 26:8

Maa dena tonɛ waa Korowii aa do mɛ ŋɔ ń bol baɡ ba la, sɔfore la ne Korowii keamere dɛ nɛra la bwa baa laɡ mɛ dɛ ŋɔ, “He chɛ kpoe!

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.

Emɔs 5:7

He berɛ waa aa ɛ kasinteŋ sie, dɛ tɔ waa aa toɡra ŋwɛnɛ.

Amanesoma Mak Aa Chwera Tɔn 7:9

Yeesu berɔ ŋɔ ba be ja ŋɔ, “Hé na ɡɛ haa vɛh Korowii waa la bil dɛ lawɛ he saŋ la waa bini!

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

We-ɛɛla 7:59

Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.