Habakuk 1:3 - mzwDBL

³ Ɛrɛɛ he ɡel mɛɛ na we-ɛɛla aa wola toɡrɛ ɡbo nɔɔ? Ɛrɛɛ he laa sie kpɔ nɛra nɛɛ baa ɛ wechɔɡa nɔɔ? Kwaa chɔɡa ne naɡrenyin we-ɛɛlaa chɔ n sie. Yoi ne nyopɛo bɛ dɔe bar mɛ cheme.

Habakuk 1:3 ပူးပေါင်းရင်းမြစ်များ

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Jeremia 15:10

Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Jeremia 20:18

Bɔkwa waa ɡela ba lol mɛ te nɔ? Ń ba na wenaale dɛɛ di suna, ásɛ sihiih kpo mɛ n soɡa bini bwa waa kɛɛ?

Jeremia 20:8

N dɛ ba waa bola aa, lɔŋɔree mɛɛ do, dɛɛ bol yoi ne kwaa chɔɡa wa. Waa Korowii waa la aa kpɔa tɛ mɛ laanee, chɛɡa ne bammuɡla tɔpebir bwa.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

2 Pita 2:8

Lɔt aa ɛ nɛndɛɛɡe o waa su Korowii siwi dɛ do ba baah la, dɛ ba wedoŋa waa dɛ na ne anɔ la waa dɛ no tɔpebii bwa la ɡelɔ o bambile ɛɛ weo.