Habakuk 1:13 - mzwDBL

¹³ He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Habakuk 1:13 ပူးပေါင်းရင်းမြစ်များ

2 Samoɛl 4:11

Ɛrɛɛ mɛɛ ba nɛn waa wola wechɔɡa bɛlbwa ɛɛ dɛ chɔ o dea mpa ta nyubinikpeɡ tena ka kpoo waa bola ɔ? A ta chɛ kɛ o seo ɡure he nyu ta ń kpoo heyaa bɔ kem le harɛ nɔ ta naa?”

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Ɛsta 4:14

He tɔ nyoa he ta waane bolɛ taraken nɔ naa, Juu tena ɛɛ dɔ nomɛlee ó cha ba, kɛ he te ne he mɛɛ nɛra bwa ɛɛ serewoo. Dɛ ɡɛ waa nɔ waa he ɛ kooro haah taraken nɔ naa, he jemaa?”

Job Tɔn 15:15

Kpelaa, Korowii ta hwɛɡa dɔe tɛ nyundua toroma, ba waa ta toɡrɛ o be,

Job Tɔn 21:7

Ɛrɛɛ Korowii ɡel nyubinikpeɡ tena so biɡri, dɛ hwɛɛh dɛɛ dɔ ba te nɔɔ?

Job Tɔn 24:23

Korowii ken ɛɛ ɡeloo ba bwara sɔɔh ba ba soɡa bini, kɛ dɛ o sie lɔ ba we-ɛɛla ta.

Yela 10:15

Sɔɔh kpeɡri nyubinikpeɡ tena ne wechɔɡ-ɛɛra aa dɔa la nyoa, ba wechɔɡa baa ɛa la wa, tɛr ba deŋne ka tel kɛŋɔ, baa ɡela kwaraa.

Yela 18:26

Nɛn o tea aa toa la, onee he dɔ tepoŋ tɛ, kɛ he dɔ wejema ɡwaa nɛn waa dɔ baradeɛre.

Yela 25:3

Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.

Yela 35:17

N Naa Korowii, saŋ besoo hɛɛ ba ɡɛ waa nɔ nyiŋa ka tel ɔ? Lɛɛ mɛ le yoi baa dɛ yoo mɛ nɔ ta, lɛɛ mɛ le n dɔma baa do kɛ nyujentena nɔ nɔn ta.

Yela 35:22

N Naa Korowii, he na ɡɛ waa nɔ, bɛ nyoa tɔ. Bɛ bojaŋ kaa ɡel mɛ.

Yela 35:25

Bɛ ɡel ba lii ŋɔ, “Ya dɔɔ ɡɛ yaa dɛ nyin name!” Kɛɛ dɛ ŋɔ, “Ya dɔɔ kɛrɛdɛ.”

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 73:3

dɛkalkɛ n na ɡɛ nyubinikpeɡ tena, ne mbarafo tena wa aa wera dɛɛ tɛɛ ba la aa, dɛ n dɛ wee ba bwara.

Yela 83:1

N Naa Korowii, bɛ nyoa tɔ! Ir nyu ne.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 24:16

Yaa no yelaa le harɛ jaɡa bwa bá ɡo yela dɛɛ kpɛɛ ŋɔ, “Hé ɡel Korowii O Wa Aa Toɡra la dɔ sɔn!” Anee n ŋɔ, “A tonɔ, a tonɔ! N dɛ ɡwaŋɛ! Banɔ la baa dɛ neɡre nɛra ta nao dɛɛ neɡre.”

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 64:12

N Naa Korowii, dɛ he na anɔ bwa ken aa, hɛɛ soo nyiŋi dɛ́ ɡel ya na waa a ɡwaa yaa nɛɛ kohona naa?

Wiile 3:36

dɛ ba berɛ nɛn waa sie kɔɔto aa, amɔ Korowii aa a ɡɛ waa nɔ bwaa na naa?

Habakuk 1:14

He ɡelɔ nɛwɛnyina do kɛŋɔ mpo bini pɛŋa, ne mpo bini koŋkwaa aa wola nomoa dɔe wɛɛ nyiŋi a nɛ.

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

Mmarare 23:15

Mosis berɔ ŋɔ, “Dɛ nomɛl yom chwao dɛ ba marɛ naa, bɛ on lawɛ ka tɛ o dɔɔ kpa.