Galaasia 6:9 - mzwDBL

⁹ He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Galaasia 6:9 ပူးပေါင်းရင်းမြစ်များ

Mumpar 29:7

Asɛ Jekɔb ŋɔ ba be ŋɔ, “Wee ta nyɛɡre he ba boa peera nɔ nyoa la, hé tɛa nee a nyɔ dɛ berɛ kpɔa kaa dibɔr.”

Yela 104:27

Hen Korowii nɛɛ a bwa sie dawɛ kɛŋɔ, he tɛa kondikwaa á di a saŋ ta.

Yela 126:5

Nɛra baa kpɔ siniire du kwaa la, baa koma silɛɛ nee dɛɛ ɡo yela.

Yela 145:15

Kwaa haa taa bwa sie dawɛ he nɛ, hɛɛ tɛa kondikwaa saŋ aa chɛa ta.

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Wejereme 11:1

Kpɔ he paanoo ta nee sie, tɔpera ane habɔɔ la, wɛɛ berɔ ba he be.

Jeremia 45:3

“He ŋɔ n be ŋɔ, ‘N bwɛɛlɛ. Korowii kpɔ suna dii ba ja n wenaale ta, n koɔh n hima maa dɛ hime ta, maa onɛ bwa.’ ”

Lewi Dea Tena 26:4

mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Sefania 3:16

Tɔpere bɛl dɛ ba ásɛ ba bol Jerusalam tena be ŋɔ, “He bɛ ɔmɛ, Bwɛɡoroŋ Saayɔn tena. He bɛ ɡel he bwara hwah.

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Matiu 9:19

Anee Yeesu ne o habɔteŋra la bwa ir teŋɛ o nɛ.

Amanesoma Mak Aa Chwera Tɔn 3:3

Asɛ Yeesu yerɛ baa la o nɔn aa sewa la ŋɔ ó ir ba che ba sie.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

2 Kɔrent 9:6

Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Mmarare 11:14

wɛɛ ɡeloo bwaala nɛ heyaa saŋ aa chɛa ta, bwaala loɡla ne yoo bwaala bwa, ásɛ mea ne senfala ne ɔleve noo bu he nɛ,

2 Tesalonika 3:13

Yabala, hé ɛ wedɛɛɡa dɛɛ la, dɛ bɛ ŋɔ he koɔh.

Hibru 12:3

Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.

Hibru 12:5

He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.

1 Pita 3:17

He dɛ ɛ wedɛɛɡa dɛɛ na wa aa, an wera kɛ haa dɛ ɛ wechɔɡa dɛɛ na wa. Dɛ Korowii tetooraa kɛ he koh he wedɛɛɡa ɛɛ waa dɛɛ na wa aa, a wer.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”