Galaasia 6:8 - mzwDBL

⁸ Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

Galaasia 6:8 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Jems 3:18

Nɛra baa dɛ nyin deŋnesɔɔhna la, nyopɛo nee baa ɛ ba wa, aa le wedɛɛɡa.

2 Pita 2:19

Ba yon ŋɔ baa ɡeloo nɛra dɔ ba te, dɛ ba ɡbabir ɛ yoma. Ba wechɔɡa ɛɛ ba yoma, dɛkalkɛŋɔ wobɛlbwa aa wona lɛ nɛn liire la, a kpɔɔ berɛ yom.

Job Tɔn 4:8

N ɡbabir nao kɛŋɔ nɛra baa dɛ vɔrɔwe wechɔɡa vɔrɔwa, ne banɔ la baa dɛ nyin waa la, anee baa dɔ.

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Galaasia 6:7

He bɛ he te dɛɛ neɡre. Haa jemɛ kɛ baa Korowii neɡre kɛɛ? Kwaa nɛn aa dua la, anee wɛɛ komɛ.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Sɛɡla 22:8

Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.

Wepila 22:11

Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

Amanesoma Jɔn Aa Chwera Tɔn 4:36

Nɛn waa komɛ kwaa dɛɛ tɛ Korowii la dɛ dɔ o kembɔr. Nɛwɛnyinaa naate ɛɛ komɛ, dɛɛ lɛɛ ba ásɛ ba dɔ Korowii mkpa aa wola jaɡa dɔe bwa la, ásɛ naate ne nɛn waa dua la bwa sie lɛ.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Matiu 19:29

Asɛ nomɛlbwa ɡe koh n waa dɛ ɡel o dem ne o nahaahnanar, ne o dɔɔranar ne nimanar, ne o nya ne o mɛɛ, ne o bii dɛ kooni aa, wɛɛ dɔ a dɔŋa bele lafaa, dɛ́ berɛ dɔ mkpa aa wola jaɡa dɔe bwa la ɡe.

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Amanesoma Luk Aa Chwera Tɔn 18:30

wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”

Aesaya 32:20

hɛɛ na somee, hɛɛ parɛ neerare nyoo, he kondɛɛra dɔ kpɔɡdɛɛɡa dɛɛ di.

2 Pita 2:12

Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.

1 Timoti 1:16

Kɛ Korowii sune n nɛ, asɛ Yeesu Kristo dɔ bambile tɛ mɛ n wechɔɡa damanta nɔ bwa ta, ásɛ nɛra baa ba no Korowii waa dɛ yaradao la jemɛ ɡɛ Yeesu aa dɔ bambile kohona, dɛ́ won yaradao dɛ́ dɔ o mkpa aa wola jaɡa dɔe la.

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

1 Kɔrent 15:42

Gɛɛ nɛra seo ta ira ɛɛ ba doe. Bwadabii yaa dɔa nɔ, dɛ ya baa serewe aa, o bwa ɛɛ chɔɡoo, kɛ bwadabii yaa dɔ dɛ ir seo ta la, o te aa chɔɡ bwa.