Galaasia 6:4 - mzwDBL

⁴ Hé bɛlbwa nyiŋi o we-ɛɛla na. Dɛ a wer aa, ó ɡel o sie lɛ. Kɛ he bɛ he te kpɔ dɛɛ maɡɛ dɔŋa dɛɛ nyin sɔn,

Galaasia 6:4 ပူးပေါင်းရင်းမြစ်များ

2 Kɔrent 13:5

Hé nyiŋi he te dɛ́ na kɛŋɔ he yaradao kɛrɛdɛ kɛɛ he ta on yaradae yɔ? Hé pese he te dɛ́ na. He jemɛ kɛŋɔ he ne Yeesu Kristo pɛo kɛɛ? He nao kɛŋɔ he ne o ta pɛɛ te naa, ate dɛ he horɛ o waa yaradae ta.

Yela 26:2

N Naa Korowii, nyiŋi n bini, dɛ́ daah mɛ na dɛ́ pese n we-ɛɛla ne n liire.

1 Kɔrent 11:28

Nomɛlbwa chɛ kɛŋɔ ó nyiŋi o waa bini kɛrɛdɛ mɔɔ dɛ́ di a ɡɛ kwaa nɔ.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Sɛɡla 14:14

Nɛn waa ɡel wedɛɛɡa ɛɛ dɛ́ dɔ deŋnetɛra, nɛndɛɛɡa ɡe ɛɛ dɔ ba we-ɛɛla kembɔr.

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Galaasia 6:13

Nɛra baa sɛah ba teŋni ba pena la, ba ɡba aa Mosis Mmara la bwa ta teŋɛ. Ba dɛ nyin ba teŋni he pena ásɛ dɛ won kpɔ a waa dɛɛ ta nyoa.

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

1 Kɔrent 3:14

Dɛ nii la jo toma haa ɛa chɔŋɛ dea la mumpar la ta dɛ a ta fueh yaa, Korowii ɛɛ bɔe a kemee.

Felepae 1:26

ásɛ dɛ n baa so he be ja aa, he won dɔ bɔr kɛrɛdɛ dɛɛ jaaɡi n wa, dɛ́ɛ kpɛɛ Yeesu Kristo.