Galaasia 6:2 - mzwDBL

² Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

Galaasia 6:2 ပူးပေါင်းရင်းမြစ်များ

1 Webena 19:12

Belaa Joab ŋɔ Abisae be ŋɔ, “Dɛ he baa na kɛŋɔ Siiria tena la dɛ pɔ n nɛ aa, he ba dɛ́ ba lɛɛ mɛ, dɛ Amɔn tena ɡe kpeɡri ba dɛ ɡwaa he nɛ aa, ń ɡe ba lɛɛ.

Kaala 23:5

He na he dɔŋ waa haeh keeɡo o chole bone ɛɡɛ o nɛ aa, he bɛ on ɡarɛ ta kaa. He takapɔ kɛŋɔ hɛɛ chao.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Matiu 8:17

Anɔ nɔɔ ɡela Korowii keame Aesaya waa waa bola bil la ɛ kasinteŋ. O bolɔ ŋɔ, “Onee laa ya ɡwɛɡra ne ya weela kpɔ ya nɛ.”

Amanesoma Luk Aa Chwera Tɔn 11:46

Anee Yeesu chaŋo ŋɔ, “He Tɔnjerema haa dɛ baɡle Korowii Waa la ɡe, hé bwɛɛlɛ. Hé kpɔ wekpeɡa aa do kɛŋɔ bone dɛ dawɛ nɛra nɛ, kɛ dɛ te berɛ laa nɔn kpɔ a ta.

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

Amanesoma Jɔn Aa Chwera Tɔn 15:12

Waa maa kpɔa tɛ heyaa laanee la. Hɛ́ɛ nyin dɔŋa ɡɛ maa dɛ nyin heyaa la.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.

Galaasia 6:5

dɛkalkɛŋɔ nomɛlbwa ne o bonee wɛɛ ba cheɡa.

Mmarare 1:12

Kɛ ɛrɛɛ n ɡbo ɛɛ ba wona kpoŋe heyaa dɛ́ nyiŋi he waa bini ne waa aa dawɛ he nɛɛ dɛɛ tɛ heya ɔ?

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Jems 1:25

Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

Jems 2:12

Hé jemɛ kɛŋɔ Korowii dɛ ba ya waa bola o Kora Mmara waa kpɔa lɛ yaa asɛ ya dɔ ya te la ne. Anomanta, hé nyiŋi he nyoo wobol ne he we-ɛɛla ta kɛrɛdɛ,

Jems 2:8

Dɛ he dɛ teŋɛ Korowii Kora Mmara baa chwera ŋɔ, “Nyin he dɔŋ kɛ he te ɡbaɡba la” ta naa, dɛ he dɛ ɛ kɛrɛdɛ.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.

2 Pita 3:2

N dɛ nyin kɛŋɔ he lii waa Korowii keamere la fa aa bola a saŋ la, ne waa Yeesu toroma la fa aa ŋɔa ya Dɔɔ waa ɛ ya Lɛɛ la ŋɔ hé ɛ la.

1 Jɔn 4:21

Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.