Galaasia 6:16 - mzwDBL

¹⁶ Nɛra baa dɛ teŋɛ ɡɛ waa maa dɛ baɡle nɔ ta ba soɡa bini la, Kórowii na ba sum dɛ́ tɛɛ ba bambisɔɔhna. Banee o nɛra Israel tena la.

Galaasia 6:16 ပူးပေါင်းရင်းမြစ်များ

1 Webena 12:18

Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

Yela 73:1

Kasinteŋ, Korowii waa wer tɛ o nɛra Israel tena, banɔ la ba tea bini aa toa dɛɛ teŋɛ o waa ta la.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Tɔn Pɔɔl Aa Chwerɛ Rom Tena 4:12

Nɛra baa teŋe ba pena la, Abraham biirii ba ɡe. Ba pena waa laa ba ɛ o bii. Dɛ ba dɔ yarada Abraham aa dɔa mɔɔ ba teŋe o pen la aa, anee bá ɛ o bii.

Galaasia 1:3

Ń Naa Korowii ne ya Dɔɔ Yeesu Kristo cha heya, dɛ́ tɛ heyaa bosɔɔhna.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Galaasia 5:25

Taraken nɔ, ya jemɔ kɛŋɔ Korowii Domadɛɛɡe laanee tɛ yaa mkpa, anomanta, a chɛ kɛ ya kpɔ ya te tɛo, dɛ́ ɡel wɛɛ baɡle yaa ŋwɛnɛ ya soɡa bini.

Ɛfesos 6:23

Ń Naa Korowii ne ya Dɔɔ Yeesu Kristo tɛ he ne yabala la bwa deŋnesɔɔhna, ne nɛnnyin ne yarada,

Felepae 3:16

Kɛ ɡɛ bwa yaa wona dɛ jemɛ la, yá kpoŋe a bini dɛɛ la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

Tɔn Jud Aa Chwera 1:2

Kórowii na he sum kohona, dɛ́ tɛ heyaa bosɔɔhna kohona, dɛ́ cha heyaa hɛɛ nyin dɔŋa kohona.