Galaasia 6:13 - mzwDBL

¹³ Nɛra baa sɛah ba teŋni ba pena la, ba ɡba aa Mosis Mmara la bwa ta teŋɛ. Ba dɛ nyin ba teŋni he pena ásɛ dɛ won kpɔ a waa dɛɛ ta nyoa.

Galaasia 6:13 ပူးပေါင်းရင်းမြစ်များ

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

1 Kɔrent 5:6

Aa were kɛŋɔ hɛɛ maŋkura he te. Haa jemɛ kɛŋɔ iisi tama wono ɡel men damanta ɛɛ uɡe aa?

2 Pita 2:19

Ba yon ŋɔ baa ɡeloo nɛra dɔ ba te, dɛ ba ɡbabir ɛ yoma. Ba wechɔɡa ɛɛ ba yoma, dɛkalkɛŋɔ wobɛlbwa aa wona lɛ nɛn liire la, a kpɔɔ berɛ yom.

2 Kɔrent 11:18

Bane aa koh harɛ bonɔ kwara waa dɛɛ maŋkura ba te nomanta, n ɡee maŋkura n tenee.

Matiu 23:15

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! Heyaa yon ɡaaɡe aaa ɡɛ haa ɛ dɛ́ dɔ nɛn waa wola Juu te ɛɛ ó ba ja he nɛɛ dɛ́ tomɛ Korowii. Kɛ dɛ he baa dɔ bɛl aa, he yon berɛ ɛo o chɔɡ kwaraa, asɛ a yon berɛ do kɛŋɔ o tenee bera chɛ Bɔnsam nii ta laŋa ɡwaa heya.

Matiu 23:3

Anomanta, a chɛ kɛ hé no ba be, dɛ́ teŋɛ waa baa dɛ baɡle heyaa ŋɔ hé ɛ la bwa ta. Kɛ he bɛ ba we-ɛɛla te hweli, dɛkalkɛ baa waa baa bola dɛɛ chaɡle heyaa la ɛ.

1 Kɔrent 3:21

Anomanta, he bɛ bane kpɔ dɛɛ ta nyoa. Komɛlbwa chɔ le dɛ tɛ heya.

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

Amanesoma Luk Aa Chwera Tɔn 5:38

Senfala chɛ loŋfala.