Galaasia 5:25 - mzwDBL

²⁵ Taraken nɔ, ya jemɔ kɛŋɔ Korowii Domadɛɛɡe laanee tɛ yaa mkpa, anomanta, a chɛ kɛ ya kpɔ ya te tɛo, dɛ́ ɡel wɛɛ baɡle yaa ŋwɛnɛ ya soɡa bini.

Galaasia 5:25 ပူးပေါင်းရင်းမြစ်များ

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

1 Pita 4:6

Nɛra baa serewa la, ba bol Amanesoma nɔ baɡle ba ɡe, dɛkalkɛŋɔ Korowii ɛɛ bol ba ɡe waa dɛ́ pa bole ɡɛ waa dɛ ba weera ɛɛ la. Waa ba fa aa dɛ ɛ ɡɛ saŋ baa wola sewɛ mɔɔ la, anee wɛɛ ba nyiŋa dɛ́ pa ba bole. Korowii dɛ nyin kɛ ba dɔ mkpa ɡɛ waa dɔ mkpa la, a waa o ɡel Yeesu bol Amanesoma la chaɡ ba la.

Tɔn Pɔɔl Aa Chwerɛ Rom Tena 8:10

Dɛ Yeesu Kristo Domadɛɛɡe la lɔ he nɛ aa, wechɔɡa nomanta, he bwadabii ɛɛ sewɔɔ te. Kɛ Korowii aa lɛ heyaa kɛ nɛndɛɛɡa he waa su o siwi nomanta, he lileore ɛɛ dɔ mkpaa.

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

Wepila 11:11

Asɛ tɔpera atoro ne fah habɔɔ la, hweera le Korowii be, dɛ jo ba nɛɛ ba dɔ mkpa dɛ ir, asɛ ɔmee lawɛ nɛra baa cheɡa dɛɛ nyiŋ ba la taeh.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.