Galaasia 5:22 - mzwDBL

²² Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:22 ပူးပေါင်းရင်းမြစ်များ

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 92:14

A ɛ dabena dɛ ta won nɔna, dɛ dɔ papooni kohona, dɛ che kɛrɛdɛ.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Matiu 12:33

Yeesu berɔ ŋɔ, “Dɛ daa nɔn wer aa, dɛ daa la ɡbabirii wera. Kɛ dɛ he ŋɔ daa nɔn aa weraa, dɛ daa la ɡbabir ɡee wola were. Daa nɔn taa ba che dɛɛ jemɛ o dasoo.

Amanesoma Luk Aa Chwera Tɔn 13:9

Dɛ benanyoa chemo o nɔnaa, amɔ te dɛ anee. O ta wone nɔnɛ ɡe aa, ásɛ he teŋo ta.’ ”

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

Tɔn Pɔɔl Aa Chwerɛ Rom Tena 15:3

Yeesu Kristo aa lɔ harɛ ta la, dɛ o tetoowaa laa wɛɛ ɛ. Korowii Tɔn bolɔ ŋɔ, “Korowii, chɛɡa baa chɛɡɛ la, anee ba kpɔ tɛ mɛ.”

Tɔn Pɔɔl Aa Chwerɛ Rom Tena 15:30

Yabala, n kpɔ ya Dɔɔ Yeesu Kristo ne nyina Korowii Domadɛɛɡe la aa ɡela yaa nyin dɔŋa la, dɛɛ soŋe heyaa kɛŋɔ he cha mɛ dɛ́ swɛɛ siwi soŋe Korowii tɛ mɛ.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 7:4

Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

Tɔn Pɔɔl Aa Chwerɛ Rom Tena 8:5

Nɛra baa dɛ teŋɛ nɛwɛnyini mar liichɔɡa aa suu nɔ tetoowaa ta la, a taa ba ɡe liire do. Nɛra ba ɡe aa dɛ teŋɛ Korowii Domadɛɛɡe waa ta la, a taa ba liire do.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Ɛfesos 4:23

dɛ́ ɡel Korowii kwaa he bambile ne he liire bwa á berɛ anfala.

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

2 Tesalonika 3:2

Hé soŋo o lɛ yaa dɛɛ le meesɔɔh tena ne nɛnchɔɡa be, dɛkalkɛŋɔ nomɛlbwa laa dɛ́ no waa yaa dɛ bol la dɛ yaradaa.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.