Galaasia 5:2 - mzwDBL

² Hé ɡel n ŋɔ he be, dɛ he teŋɛ Mosis Mmara nɔ ta dɛ ɡel ba teŋe he pena aa, dɛ waa Yeesu Kristo aa ɛa tɛ heyaa la ta tɔnɔ dɔe tɛ heyaa kwaraa. Men Pɔɔl, men ŋɔa.

Galaasia 5:2 ပူးပေါင်းရင်းမြစ်များ

We-ɛɛla 15:1

Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 15:24

Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba.

We-ɛɛla 15:5

Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”

1 Kɔrent 16:21

Men Pɔɔl ɡbaɡbaa bol waa nɔ ba chwerɛ, asɛ n ɡbabir ɡe chwerɛ anɔ aa kaa nɔ. N dɛ na heya.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

Galaasia 5:11

Yabala, dɛ n fe ta dɛ bol ŋɔ penteŋa hiaoh waa, nɛra fe cheɡɛ n nɛɛ ken aa? Dɛ n fe kpɔ penteŋa waa dɛ ja Yeesu Kristo daɡaɡre ta sewa la waa ta dɛɛ bol aa, nɛra fe dɛ vɛh n wobol nɔ naa?

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

1 Tesalonika 2:18

Yaa dɛ nyin he be bala la, ya takapɔ ɡɛ yaa ɛ dɛ na heyaa ja. Men Pɔɔl yon takapɔ kɛ n fe ɛɛ ba he bee. Kɛ Bɔnsam aa yaa ŋwɛnɛ tɛ.

Faelemɔn 1:19

N Pɔɔl ɡbaɡbaa chwerɛ ɡɛ waa nɔ bonɔ kɛŋɔ mɛɛ bɔe kemee la. Kɛ jemɛ kɛ he ɡba di n kem Korowii mkpa la haa cheɡɛ n nɛɛ dɛ dɔ la ta.

Faelemɔn 1:9

Nyina haa dɛ nyin nɛra la taa n che dɛɛ soŋe, nyiŋi ɡɛ men Pɔɔl aa ɛ banjena, ne dea baa koh Yeesu Kristo waa dɛ do mɛ nɔ ta dɛ no n waa nɔ.

Hibru 4:2

Gɛ yaa dɛ no Korowii Amanesoma nɔ, ɡɛɛ ba ɡe noa. Kɛ ba te aa noa la, a ta tɔnɔ leɛ tɛɛ ba, dɛkalkɛŋɔ ba ta an yaradae.