Galaasia 4:9 - mzwDBL

⁹ Taraken nɔ haa jemɛ Korowii nɔ, kɛɛ taraken nɔ Korowii aa jemɛ heyaa nɔ, ɛrɛɛ a ɛ asɛ he berɛ dɛɛ nyin he berɛ habɔɔ, dɛ́ kpɔ he te tɛ kwaa aa wola kpeɡri bɛlbwa dɔe, ne waa aa dɔ wesoma nɔɔ? Ɛrɛɛ he berɛ dɛɛ nyin he kpɔ he te tɛa ásɛ a vɔrɔwe heyaa ja nɔɔ?

Galaasia 4:9 ပူးပေါင်းရင်းမြစ်များ

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

Kaala 33:17

Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Amanesoma Luk Aa Chwera Tɔn 5:38

Senfala chɛ loŋfala.

Amanesoma Jɔn Aa Chwera Tɔn 10:14

Menee Peteɡredɛɛɡe la. Gɛ maa jemɛ n peera la, ɡɛɛ a ɡe jem mɛ,

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

1 Kɔrent 8:3

Naate waa dɛ nyin Korowii la te, Korowii ɡba jemɔ.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Galaasia 3:3

He ɡɛnɔ ɡa! Korowii Domadɛɛɡee ɡela he won pa mun Yeesu nɛɛ teŋa ta. Ɛrɛɛ he berɛ dɛɛ nyin kɛŋɔ he kpɔ he ɡbaɡba kpeɡri ɛ ka tonɛ nɔɔ?

Galaasia 4:3

Gɛɛ a fa do ya ɡba nɛ. Dɛ ya do kɛ bechale ken, asɛ koŋkwaa aa dɛ di kpeɡri harɛ bonɔ la ɛɛ di kpeɡri ya nɛ.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Hibru 7:18

Mmarabene la aa wola kpeɡri ne tɔnɔ bɛlbwa dɔe la waa Korowii laa kpɔ.

2 Pita 2:20

Nɛra jemɛ ya Dɔɔ waa ɛ ya Lɛɛ Yeesu Kristo waa la, dɛ won che a ta le waa aa dɛ la nɛn ne wechɔɡa ta harɛ bonɔ naa, a wer. Kɛ dɛ ba berɔ ba ɡel a ɡɛ wechɔɡa la dɔ bɔr vɔɡ ba ja aa, a te dɛ ba waa berɔ ɡbɔr dɛ ɡwaa mumpar la.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.