Galaasia 4:8 - mzwDBL

⁸ Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Galaasia 4:8 ပူးပေါင်းရင်းမြစ်များ

2 Webena 13:9

He laa doŋi Korowii sɔfore baa ɛ Arɔn naanar ne Lewi dea tena, dɛ berɛ le nɛra bane so ba buɡ ta, ɡɛ harɛre ane nɛra aa ɛa la aa? Nomɛlbwa ɛɛ won kpɔ nabale kɛɛ peera anuanɛ ba ŋɔ bá sɔ o doŋa ta, dɛ́ ɛo kerekpoŋri kwaa haa dɛ yera he voɡa la ta.

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Jeremia 16:20

Nɛwɛnyina ɛɛ won kwaa voɡa tɛ ba te naa? Ɔɔh, kɛ a bwa ɛ konsale.”

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Amanesoma Jɔn Aa Chwera Tɔn 1:10

O nɛɛ Korowii che dɛ ta nɛwɛnyini, kɛ waa ba harɛ ta bonɔ la, nɛwɛnyini ta on jemɛ.

We-ɛɛla 14:12

Ba ŋɔ ba voɡjen baa dɛ yerɔ Seus laanee Banabas, dɛ ŋɔ ba voɡa bini keame baa dɛ yerɔ Hɛɛmes laanee Pɔɔl, dɛ kpɔ a sɔna pa ba. Ba ŋɔ Pɔɔlee voɡa keame la, dɛkalkɛ dɛ on dɛɛ bol waa saŋ bɛlbwa.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

Tɔn Pɔɔl Aa Chwerɛ Rom Tena 1:23

Korowii te aa sewɛ bwa. Kɛ ba vɛh o toma, dɛɛ tomɛ kwaa ba ɡbaɡba aa kwaara a do kɛŋɔ nɛwɛnyini, kɛɛ jumbii, kɛɛ konaatena, kɛɛ kontuuɡa la.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Kɔrent 12:2

He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Galaasia 4:3

Gɛɛ a fa do ya ɡba nɛ. Dɛ ya do kɛ bechale ken, asɛ koŋkwaa aa dɛ di kpeɡri harɛ bonɔ la ɛɛ di kpeɡri ya nɛ.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.