Galaasia 4:17 - mzwDBL

¹⁷ Nɛra maa bol ba waa ŋɔ ba dɛ wili heyaa la, ba swɛɛ siwi dɛɛ ɛ kɛŋɔ baa dɛ nyin he waa la, kɛ waa aa lɔ ba nyu bini la aa were. Ba waa baa dɛ nyin ɛɛ laanee kɛŋɔ bá pere n ne he baah, ásɛ dɛ fe berɛ he sie kaa ba be.

Galaasia 4:17 ပူးပေါင်းရင်းမြစ်များ

Matiu 23:15

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! Heyaa yon ɡaaɡe aaa ɡɛ haa ɛ dɛ́ dɔ nɛn waa wola Juu te ɛɛ ó ba ja he nɛɛ dɛ́ tomɛ Korowii. Kɛ dɛ he baa dɔ bɛl aa, he yon berɛ ɛo o chɔɡ kwaraa, asɛ a yon berɛ do kɛŋɔ o tenee bera chɛ Bɔnsam nii ta laŋa ɡwaa heya.

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

1 Kɔrent 4:18

He bane dɛ baɡle he te dɛɛ lii kɛŋɔ maa ba dɛ ba na heyaa kpa.

1 Kɔrent 4:8

He dɛ lii kɛŋɔ he dɔ komɛlbwa a maɡre he ne, he ɛ dɔɔhna. He berɔ ɡarɛ yaa dɛɛ di kora. Dɛ he fe dɛ di kora kpela te naa, a fe bɔ. Ya ne he bwa fe ɛ koranar.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

Galaasia 4:16

Aah n kasinteŋ maa dɛ di heyaa nɔɔ ɡela n berɛ ɛ he dɔm taraken nɔ kɛɛ?

Galaasia 4:18

Nɛn waa nyina wer te, kɛ waa aa che a ta ásɛ nɛn ɛɛ nyin o dɔŋ waa la, a taa kasinteŋ do. A ɡɛ waa nɔ ɛ kasinteŋ saŋ bɛlbwa. N lɔ he be noo, a ɛ kasinteŋ, n toole he be noo, a ɛ kasinteŋ.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.