Galaasia 4:15 - mzwDBL

¹⁵ He sie fa aa lɛ n nɛɛ kohona la, taraken te bɔkwa waa bera ba nɔ? Mɛɛ wonoo ŋɔ ɡɛ saŋ la he fe wonaa, he fe foromi he sibie kwaraa tɛ mɛ.

Galaasia 4:15 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

Kolosi 4:13

N ɡbabir na ɡɛ Epafras aa dɛ tomɛ he ne banɔ la baa lɔ Laodisia ne Heɛrapɔles la kohona.

1 Tesalonika 5:13

Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ.

1 Tesalonika 2:8

Ya nyin he waa ya bambile bwa ne. Korowii Amanesoma la ɡbo ne laa ya ba he be. Yaa nyin he waa ɡɛ la, a ɛ yaa silɛɛ kɛŋɔ ya kpɔ ya te ja wobol la ta dɛ tɛ heya.

Galaasia 6:4

Hé bɛlbwa nyiŋi o we-ɛɛla na. Dɛ a wer aa, ó ɡel o sie lɛ. Kɛ he bɛ he te kpɔ dɛɛ maɡɛ dɔŋa dɛɛ nyin sɔn,

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

2 Kɔrent 8:3

Mɛɛ wonoo ŋɔ ba ta tea tɛ yaa kwaa ɡɛ ba bokpeɡa aa tela, hale ba tɛo ɡwaa ba bokpeɡa del kwara. Ba ɡbaɡba tetooraa ba ɛ ɡɛ, nɛn laa do ba.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Galaasia 4:14

Dɛ n weela la ɡelɔ n kpoŋa do kpeɡri, kɛ he ta men haih-haih ɛɛ dɛ vɛɛh mɛ. Gɛ he fe aa lɛ nyundua torome Korowii aa tomɔ la, ɡɛɛ he lɛɛ mɛ. Gɛ he fe aa lɛ Yeesu Kristo ɡbaɡba la, ɡɛɛ he lɛɛ mɛ.

Galaasia 4:16

Aah n kasinteŋ maa dɛ di heyaa nɔɔ ɡela n berɛ ɛ he dɔm taraken nɔ kɛɛ?