Galaasia 4:12 - mzwDBL

¹² N poo heya, yabala, n fa dɛ teŋɛ Mosis Mmara ta dɛ ɡel, dɛ berɛ do ɡɛ haa doa nɔ. Anomanta, hé ta che kiŋkiŋ dɛ ɡel a ta teŋa dɛ do ɡɛ maa doa nɔ. N fa aa lɔ he be la, he ta men wechɔɡe bɛlbwa ɛɛ.

Galaasia 4:12 ပူးပေါင်းရင်းမြစ်များ

Mumpar 34:15

Waa aa ɡel ya sɛh laanee kɛŋɔ, hé ɡel he bibaala bwa teŋni ba pena kɛ yan.

1 Koranar 22:4

Asɛ Kooro Ahab bɔɔ Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, n jaɡre ɡe ɛ he kwa.”

We-ɛɛla 21:21

Gɛ nɛra nɔ bwa noɔ kɛŋɔ haa dɛ ɡaaɡe la, he ka dɛ baɡle Juu tena baa lɔ harɛre aa wola Juu tena harɛre ɛɛ ta la ŋɔ bá ɡel Mosis Mmara la ta teŋa. Hale ba ŋɔ he ŋɔ bá ɡel ba bii pena teŋa, dɛ ŋɔ ba bɛ Juu tena kii te bɛlbwa ta dɛɛ teŋɛ. Mosis Mmara ɡe ta ŋwɛnɛ ɡɛ tɛɛ.

2 Kɔrent 2:5

Nɛn o fa aa ba tebinichɔɡ ne la, n ɡbo tea bini laa o chɔɡ. He bwa tea binii o chɔɡ ŋwɛnɛ bɛl ta. Maa nyin kɛ n do naate siswɛm, a waa n bola ken la.

2 Kɔrent 6:11

Yabala Kɔrent tena, bambile bwa nee ya bol waa he be. Ya dɛ nyin he waa taeh.

2 Kɔrent 6:13

N dɛ bol waa nɔ dɛɛ baɡle heyaa kɛŋɔ n ne n bii ken. Ya dɛ nyin heya, anomanta, hé ɡe ta tea dɛɛ nyin yaa!

Galaasia 2:14

Maa naa kɛŋɔ ba nyoɡre Yeesu Kristo Amanesoma la ŋwɛnɛ la, n di Pita kasinteŋ yabala la bwa siwi ta ŋɔ, “Ŋwɛnɛ besoo taa a che he ɛ Juu te haa wola Juu tena nawee waa la ta teŋɛ, dɛ ŋɔ he hamɛ nɛra baa wola Juu tena ɛɛ ŋɔ báa teŋɛ a ta nɔ?

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Galaasia 4:13

Kɛ he dɛ lii waa aa ɡela n ba he be loɡla la dɛ ba bol Yeesu Kristo Amanesoma la waa laɔ? Dɛ n bwara dɛ wee mɛ.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

Galaasia 6:18

Yabala, yá Dɔɔ Yeesu Kristo waa dɛ na nɛra sum la cha he bwa sekwaraa. Aamen.