Galaasia 4:1 - mzwDBL

¹ N waa maa dɛ nyin ń bol laanee kɛŋɔ nɛnjen biee dɛɛ so o mɛɛ buɡ ta dɛɛ di o kwaa bwa te, kɛ o taa ɛ bechala la te, o ne ba dem nɛndɔɔla ɡba waa beŋkpoŋ. Kɛ on ɡee dɔ o mɛɛ kwaa bwa.

Galaasia 4:1 ပူးပေါင်းရင်းမြစ်များ

2 Koranar 11:12

Name sɔfo Jehoiada ka lawɛ Joas le buse, dɛ kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Dɛ fuɡe noo do o nyu ta dɛ cheɡo kora ta, asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

2 Koranar 12:2

Kooro Joas ɛ waa aa dɛ too Korowii tea, dɛkalkɛ sɔfo Jehoiada baɡlo wa.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Galaasia 4:2

O ta ɛ bechala aa, o lɔ nɛra lɔɡa. Ban dɛɛ nyiŋi o komɛlbwa ta, dɛ ka tel tɔpere o mɛɛ aa doa la mɔɔ bá kpɔ komɛlbwa do o nɔn ta.

Galaasia 4:23

Gɛ baa ne haah naa dɛ lolɛ bie laanee Abraham ne o yomhaah la lolɛ o biloɡle la. Kɛ o binɛɛte la o nya aa wola yom ɛɛ la te, Korowiirii baɡɔ nyoa dɛ tɛo bie la.

Galaasia 4:29

A ɡɛ saŋ la, dɛ Abraham bie la waa lolɔ ɡɛ baa ne haah naa dɛ lolɛ la, dɛ o cheɡɛ onɔ la Korowii aa cheɡɛ o Domadɛɛɡe nɛɛ dɛ tɛ Abraham la nɛɛ taeh. Gɛ waa nɔ ta lole fini nɔ.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.