Galaasia 3:28 - mzwDBL

²⁸ Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Galaasia 3:28 ပူးပေါင်းရင်းမြစ်များ

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

1 Kɔrent 7:19

Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ.

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

Joel 2:29

Gɛ saŋ la, mɛɛ ɡeloo n Doma ba so n bonɔɔna ne toli bwa nɛ.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Galaasia 4:14

Dɛ n weela la ɡelɔ n kpoŋa do kpeɡri, kɛ he ta men haih-haih ɛɛ dɛ vɛɛh mɛ. Gɛ he fe aa lɛ nyundua torome Korowii aa tomɔ la, ɡɛɛ he lɛɛ mɛ. Gɛ he fe aa lɛ Yeesu Kristo ɡbaɡba la, ɡɛɛ he lɛɛ mɛ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Ɛfesos 1:1

Men Pɔɔl aa too n tea asɛ o lee mɛ ŋɔ ń ɛ Yeesu Kristo torome la, menee chwerɛ tɔn nɔ. N chwerɔ dɛɛ tɛ Korowii nɛra ba wa aa toɡra dɛ do Ɛfesos, he ne Yeesu Kristo aa pɛa dɛɛ teŋɛ o waa ta kasinteŋ ne la.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Kolosi 1:4

dɛkalkɛŋɔ ya noɔ kɛŋɔ he dɛ yarada Yeesu Kristo kɛrɛdɛ dɛ kpɔ he te tɛo, dɛɛ nyin Korowii nɛra ba wa aa toɡra bwa ɡe.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

2 Timoti 1:1

Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.