Galaasia 3:22 - mzwDBL

²² Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Galaasia 3:22 ပူးပေါင်းရင်းမြစ်များ

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Amanesoma Mak Aa Chwera Tɔn 16:16

Nomɛlbwa waa yarada ásɛ ba sɔɔ nee la, Korowii ɛɛ kpɔ o wechɔɡaa kɛo. Kɛ naate waa wola yaradae la, wɛɛ di bolchɔɡee.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

We-ɛɛla 16:31

Belaa ba ŋɔ, “Yarada ya Dɔɔ Yeesu dɛ́ kpɔ he te tɛo. He ɛ ɡɛ naa, wɛɛ lɛ he ne he dem tena bwaa.”

Tɔn Pɔɔl Aa Chwerɛ Rom Tena 10:9

Dɛ he nɛn kpɔ nyoa ŋɔ komɛlbwa Dɔɔree Yeesu, dɛ yarada he bambile bini kɛŋɔ Korowii iru seo ta naa, Korowii ɛɛ lɛɛ,

Tɔn Pɔɔl Aa Chwerɛ Rom Tena 11:32

Nɛwɛnyina bwa taŋ deŋne Korowii be, asɛ o koh a waa dɛ pa nɛra bwa bolchɔɡe. Ŋwɛnɛ bɛlbwa toole yá che o ta dɛ́ le a ɡɛ bolchɔɡe nɔ ta. A ɛ ɡɛ ásɛ Korowii na ya bwa sum.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Galaasia 3:17

Waa maa dɛ nyin ń baɡle laanee kɛŋɔ Korowii ne Abraham fɔwɛ fɔo bɛl, asɛ Korowii baɡɛ Abraham nyoa kɛŋɔ wɛɛ teŋɛ fɔo la taa. Mosis Mmara nɔ ɡe la, fɔo nɔ habɔɔ bene lafraanaarɛ dɛ fifraatoroo a ɡe ba. Dɛ ɛrɛɛ Mosis Mmara nɔ won ɛ dɛɛ chɔɡ ɡɛ fɔo nɔ dɛ teŋe Korowii nyobaɡa la ta nɔ?

Galaasia 3:23

Yeesu Kristo yaradae waa nɔ aa wola balɛ mɔɔ la, dɛ Mosis Mmara la vɔrɔwe yaa kɛŋɔ nɛra baa do ba dea ken. Yeesu Kristo yaradae waa nɔɔ bala mɔɔ ya ta dɔ ya te.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

2 Timoti 1:1

Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

2 Pita 1:4

Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.