Galaasia 3:18 - mzwDBL

¹⁸ Dɛ Mosis Mmara la ta teŋa taa aa ba cheɡa Korowii ɛ yaa o wedɛɛɡe la te naa, ate dɛ o nyoa waa baɡɛ Abraham la ɛ pɛɛ. Kɛ ɡɛ laa a do. Nyoa Korowii aa baɡɛ Abraham la waa o sune o nɛɛ dɛ chao, dɛ ŋɔ wɛɛ ɛo wedɛɛɡee la.

Galaasia 3:18 ပူးပေါင်းရင်းမြစ်များ

Yela 105:42

Korowii lii nyoa waa baɡɛ o bonɔɔ Abraham, o do ɡoroŋ la wa.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Galaasia 2:21

Maa sɛh ɡel Korowii nɛra nɛɛ suna la ɛ pɛɛ. Dɛ Mosis Mmara ta teŋa taa a che nɛn ɛ nɛndɛɛɡe o waa su Korowii siwi aa, amɔ te dɛ pɛɛpɛɛ Yeesu Kristo sewɛ la.”

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Galaasia 3:12

Nɛn waa dɛ teŋɛ Mosis Mmara ta la, yarada laa dɛɛ ba o lɛɛ. Korowii Tɔn baɡlɔ ŋɔ, “Nomɛlbwa waa wona dɛɛ teŋɛ Mosis Mmara la bwa ta la, on dɛɛ ba o nyu dɔe.”

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.