Galaasia 2:7 - mzwDBL

⁷ Ba ɡbabir nao kɛŋɔ Korowiirii kpɔ o waa la tɛ mɛ ŋɔ ń bol nɛra baa wola Juu tena ɛɛ la be, ɡɛ waa kpɔ o waa tɛ Pita ŋɔ ó bol Juu tena be la.

Galaasia 2:7 ပူးပေါင်းရင်းမြစ်များ

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 11:13

He nɛra haa wola Israel tena ɛɛ la, he bee mɛɛ bol waa nɔ. Korowii aa lee mɛ ŋɔ ń ɛ Yeesu torome he be nɔ, mɛɛ maŋkura n toma nɔɔ.

1 Kɔrent 9:17

Dɛ n tetoora nee mɛɛ ɛa aa, a fe maɡrɔ kɛ n fe ɛɛ lɛ a kembɔr. Kɛ Korowiirii kpɔ o Amanesoma la do n nɔn ta ŋɔ ń bol nɛra be. Anomanta, n ɡbaɡba tetoora laa mɛɛ ɛa.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Galaasia 1:18

A habɔɔ bene atoroo mɔɔ n la Pita be Jerusalam dɛ ka chɔɔro dɛ jemɔ. Maa la Pita chɔɔra la, n kaa so o be tɔpera fi dɛ anue.

Galaasia 1:6

He waa ɛɛ mɛ anebɛlbwa. Korowiirii le heya. Yeesu Kristo aa sune he nɛɛ dɛ lɛ heyaa la waa Korowii le heya. Kɛ he deno dɛɛ vɛh Yeesu Kristo Amanesoma la dɛɛ teŋɛ wefale ta.

Galaasia 2:11

Pita aa ba Anteɔk la, n diu kasinteŋ, dɛkalkɛŋɔ dɛ o dɛ ɛ waa aa wola aŋwɛnɛ ta ɛɛ.

Galaasia 2:14

Maa naa kɛŋɔ ba nyoɡre Yeesu Kristo Amanesoma la ŋwɛnɛ la, n di Pita kasinteŋ yabala la bwa siwi ta ŋɔ, “Ŋwɛnɛ besoo taa a che he ɛ Juu te haa wola Juu tena nawee waa la ta teŋɛ, dɛ ŋɔ he hamɛ nɛra baa wola Juu tena ɛɛ ŋɔ báa teŋɛ a ta nɔ?

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.