Galaasia 2:4 - mzwDBL

⁴ Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Galaasia 2:4 ပူးပေါင်းရင်းမြစ်များ

Yela 119:45

Mɛɛ valɔɔ maa wola ɔmɛ, dɛkalkɛŋɔ n teŋɛ he Mmarare ta.

Yela 51:12

Berɛ tɛ mɛ silɛɛ he lɛɛ haa lɛɛ mɛ la wa, dɛ́ tɛ mɛ bambidɛɛɡe ń won dɛɛ teŋɛ he waa ta.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Amanesoma Luk Aa Chwera Tɔn 5:38

Senfala chɛ loŋfala.

We-ɛɛla 15:1

Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 15:24

Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba.

We-ɛɛla 20:30

N jemɔ kɛŋɔ he ɡbaɡba bini bane ɛɛ dɛɛ bol waa aa wola weree, dɛ́ neɡre nɛra ásɛ ba ɡel Yeesu nɛɛ teŋa dɛɛ teŋɛ ba nɛ.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

2 Kɔrent 11:13

A ɡɛ nɛra la, Yeesu Kristo toroma ɡbaɡba laa ban. Neɡraa baa neɡre nɛra, dɛ ɛ ba te kɛ Yeesu Kristo toromaa ban la.

2 Kɔrent 11:17

N jemɔ kɛ waa maa dɛ bol taraken nɔ, ya Dɔɔ Yeesu laa ŋɔa ń bola. Maŋkurae nɔ maa dɛ maŋkura n te nɔ, ɡɛnewaa mɛɛ ɛ la.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

2 Kɔrent 3:17

Ya Dɔɔ Yeesuu Domadɛɛɡe la. Bobɛlbwa ɡe o Domadɛɛɡe la aa lole la, nomɛlbwa dɔ o te, o toole Mmara lɔɡa.

Galaasia 1:7

Yeesu Kristo Amanesoma bɛlbwa toole, dɛ ɛ kasinteŋ, dɛ ja anɔ la yaa dɛ baɡle heyaa la ta. Nɛra bane dɛ wili heya, dɛɛ nyin dɛ́ berɛ Yeesu Kristo Amanesoma la, a waa n ŋɔ ɡɛ la.

Galaasia 4:25

Heeɡaa cheɡa tɛ Sinai Bwejen waa lɔ Arab harɛ ta la. O tenten, on cheɡa tɛ fini Jerusalam bwɛjen nɔ o nɛra bwa aa ɛ yoma nɔ.

Galaasia 4:3

Gɛɛ a fa do ya ɡba nɛ. Dɛ ya do kɛ bechale ken, asɛ koŋkwaa aa dɛ di kpeɡri harɛ bonɔ la ɛɛ di kpeɡri ya nɛ.

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

Galaasia 5:10

N te ta dɛ yarada heya. Ya Dɔɔ la ya bwa aa dɛ tomɛ la nomanta, n dɛ yarada heyaa kɛŋɔ haa liifalee dɔ. Naate waa dɛ wili heyaa nɔ, ɡɛ bwa waa doa, Korowii ɛɛ bɔɔ kemee.

2 Timoti 3:6

Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ.

Jems 1:25

Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

1 Pita 2:16

Hé so kɛŋɔ nɛra haa dɔ he te haa wola yoma ɛɛ. Kɛ he bɛ dɔe haa dɔ he te la kpɔ dɛɛ ɛ wechɔɡa. Hé ɡel nɛra na kɛŋɔ Korowii bonɔɔna ne tolii heyaa he soɡa bini.

2 Pita 2:19

Ba yon ŋɔ baa ɡeloo nɛra dɔ ba te, dɛ ba ɡbabir ɛ yoma. Ba wechɔɡa ɛɛ ba yoma, dɛkalkɛŋɔ wobɛlbwa aa wona lɛ nɛn liire la, a kpɔɔ berɛ yom.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.