Galaasia 2:21 - mzwDBL

²¹ Maa sɛh ɡel Korowii nɛra nɛɛ suna la ɛ pɛɛ. Dɛ Mosis Mmara ta teŋa taa a che nɛn ɛ nɛndɛɛɡe o waa su Korowii siwi aa, amɔ te dɛ pɛɛpɛɛ Yeesu Kristo sewɛ la.”

Galaasia 2:21 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

Galaasia 3:21

Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.

Hibru 7:11

Gɛ saŋ Korowii aa tɛ o nɛra Mmara la, ɡɛ saŋee Lewi dea tena pa mun dɛɛ di sɔfore. Dɛ nɛra fe ɛɛ wonoo che saraha Lewi dea sɔfore la fa aa ɛa dɛɛ tɛɛ ba la ta dɛ ɛ nɛndɛɛɡa ka tonaa, a fe ta hiaih kɛŋɔ Sɔfo waa do kɛŋɔ Mɛlkesɛdɛk berɛ ba, dɛ́ ɡel onɔ la waa le Lewi dea dɛ do kɛŋɔ Arɔn.

1 Kɔrent 15:14

Dɛ Korowii ta Yeesu Kristo ire seo ta te naa, amɔ te waa yaa dɛ baɡle heyaa la, ne yarada haa dɛ yarada Yeesu Kristo la bwa ɛ pɛɛpɛɛ.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

1 Kɔrent 15:2

asɛ a lɛ heyaa la wa. Dɛ yarada haa dɔa Amanesoma la ta la ɛ kpela, he ta an vɛɛh dɛ kpoŋe a bini kɛrɛdɛ ɡɛ maa baɡle heyaa la te naa, amɔ te a lɛ heya. Dɛ ɡɛ laa te naa, amɔ dɛ he yarada la ɛ pɛɛpɛɛ.

Galaasia 2:18

Mosis Mmara n ɡbaɡba fa aa ŋɔa o ta teŋa ta tɔnɔ dɔe la, dɛ n berɔ berɛ habɔɔ dɛ baa teŋɛ o ta naa, n ta wechɔɡa ɛɛ yaa?

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Amanesoma Mak Aa Chwera Tɔn 7:9

Yeesu berɔ ŋɔ ba be ja ŋɔ, “Hé na ɡɛ haa vɛh Korowii waa la bil dɛ lawɛ he saŋ la waa bini!

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

1 Kɔrent 15:17

Dɛ Korowii ta Yeesu Kristo ire seo ta naa, amɔ te he dɛ yaradao pɛɛpɛɛ, dɛ he wechɔɡa ta lɔ he nɛ.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.