Galaasia 2:20 - mzwDBL

²⁰ Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 2:20 ပူးပေါင်းရင်းမြစ်များ

Yelsom 7:10

N sɛnodɛɛɡee dɔɔ mɛ, n ɡbo nɛɛ o pɛla do.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 4:3

Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Amanesoma Jɔn Aa Chwera Tɔn 15:13

Nyina bɛlbwa toole dɛ ɡwaa kɛŋɔ nɛn aa wona koh o daamanar waa dɛ sewɛ.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Amanesoma Jɔn Aa Chwera Tɔn 6:57

N Mɛɛ waa tom mɛ laanee mkpa dɔɔ la, anomanta, o ɡelɔ n ɡe dɔ mkpa. Gɛɛ nomɛlbwa waa di n bo-ol la, mɛɛ ba ɡela o dɔ mkpa.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Tɔn Pɔɔl Aa Chwerɛ Rom Tena 14:7

Ya bini bɛlbwa toole dɛ so le dɛ tɛ o ɡbo, bɛlbwa ɡe toole o seo ɛ o ɡbo wa.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

Tɔn Pɔɔl Aa Chwerɛ Rom Tena 5:8

Maa dɛ ŋɔ nɔ, hé na ɡɛ Korowii tea aa dɛ domɛ nɛwɛnyini nɛ. Gɛ saŋ ya taa ɛ wechɔɡ-ɛɛra la, a taa Yeesu Kristo lɛ ya seo sewɛ.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Tɔn Pɔɔl Aa Chwerɛ Rom Tena 6:8

Ya ne Yeesu Kristo aa pɛa sewɛ la nomanta, ya dɔ yarada kɛŋɔ yaa dɔ mkpaa ya ne o pɛ so.

Tɔn Pɔɔl Aa Chwerɛ Rom Tena 8:10

Dɛ Yeesu Kristo Domadɛɛɡe la lɔ he nɛ aa, wechɔɡa nomanta, he bwadabii ɛɛ sewɔɔ te. Kɛ Korowii aa lɛ heyaa kɛ nɛndɛɛɡa he waa su o siwi nomanta, he lileore ɛɛ dɔ mkpaa.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

1 Kɔrent 6:17

Nomɛlbwa waa kpɔ o te pɛl ya Dɔɔ la ɡe, o ne o bwa dɔ Doma beŋkpoŋ.

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

2 Kɔrent 10:3

A ɛ kasinteŋ kɛŋɔ harɛ bonɔɔ ya so. Kɛ harɛ bonɔ laa laa yaa yo.

2 Kɔrent 11:10

N cheɡɛ Yeesu Kristo kasinteŋ la waa ɡela n dɔ la ta dɛɛ ŋɔ he be ŋɔ, nomɛlbwa toole Akaya harɛ bobɛlbwa dɛ́ tɔ mɛ ŋwɛnɛ maa wola won maŋkura n te a ɡɛ waa nɔ ta.

2 Kɔrent 13:3

He fa dɛ nyin he na waane dɛ jemɛ kɛŋɔ Yeesu Kristoo soɡe n nɛɛ dɛɛ bol waa la. Too, hɛɛ nao. Kpeɡri ta on nyae. Wɛɛ baɡle o kpeɡri he nɛɛ.

2 Kɔrent 13:5

Hé nyiŋi he te dɛ́ na kɛŋɔ he yaradao kɛrɛdɛ kɛɛ he ta on yaradae yɔ? Hé pese he te dɛ́ na. He jemɛ kɛŋɔ he ne Yeesu Kristo pɛo kɛɛ? He nao kɛŋɔ he ne o ta pɛɛ te naa, ate dɛ he horɛ o waa yaradae ta.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

2 Kɔrent 5:15

O sewɔ tɛ nɛra bwa. Anomanta, nɛra baa soɡe le la ta chɛ kɛ ba so ba ɡbaɡba soɡa kpa. Bá so tɛ naate waa sewa tɛɛ ba asɛ Korowii iru seo ta la.

2 Kɔrent 5:7

dɛkalkɛŋɔ waa yaa dɛ na la ne laa ya so. Waa yaa dɛ yarada a waa la nee ya so.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 3:11

Taraken nɔ, ya nao kɛŋɔ nomɛlbwa aa won che Mosis Mmara la ta dɛ́ ɛ nɛndɛɛɡe o waa su Korowii siwi, dɛkalkɛŋɔ nomɛlbwa aa won teŋɛ a bwa ta. Korowii Tɔn baɡlɔ ŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

Felepae 1:21

N soɡa nɔ maa soɡa nɔ, Yeesu Kristo waa n so. Dɛ n sewɔ ɡe aa, anee dɔ tɔnɔ tɛ mɛ kwara.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 8:3

Sɔfonomoa bɛlbwa tomaa kɛŋɔ wɛɛ fuh kwaa dɛɛ tɛ Korowii, dɛɛ ɛ saraha ɡe. Anomanta, a hiaoh kɛŋɔ ya Sɔfonomoa nɔ ɡe dɔ kwaa waa kpɔ dɛɛ tɛ Korowii.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.