Galaasia 2:14 - mzwDBL

¹⁴ Maa naa kɛŋɔ ba nyoɡre Yeesu Kristo Amanesoma la ŋwɛnɛ la, n di Pita kasinteŋ yabala la bwa siwi ta ŋɔ, “Ŋwɛnɛ besoo taa a che he ɛ Juu te haa wola Juu tena nawee waa la ta teŋɛ, dɛ ŋɔ he hamɛ nɛra baa wola Juu tena ɛɛ ŋɔ báa teŋɛ a ta nɔ?

Galaasia 2:14 ပူးပေါင်းရင်းမြစ်များ

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Yela 15:2

Naate waa dɛ teŋɛ Korowii waa ta dɛɛ ɛ waa aa toɡra, dɛɛ bol kasinteŋ o bambile bwa ne la,

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Sɛɡla 10:9

Nɛn o wa aa dɔ kasinteŋ la, o wobɛlbwa dɛ́ do wer, nɛn o wa aa wola sie chɔ te, ba dɛ nao.

Sɛɡla 2:7

Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

We-ɛɛla 10:28

asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ.

We-ɛɛla 15:1

Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 15:24

Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba.

We-ɛɛla 15:5

Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Galaasia 1:18

A habɔɔ bene atoroo mɔɔ n la Pita be Jerusalam dɛ ka chɔɔro dɛ jemɔ. Maa la Pita chɔɔra la, n kaa so o be tɔpera fi dɛ anue.

Galaasia 1:6

He waa ɛɛ mɛ anebɛlbwa. Korowiirii le heya. Yeesu Kristo aa sune he nɛɛ dɛ lɛ heyaa la waa Korowii le heya. Kɛ he deno dɛɛ vɛh Yeesu Kristo Amanesoma la dɛɛ teŋɛ wefale ta.

Galaasia 2:3

Dɛ Grik tee Taetos, anomanta, o ta pen teŋe. Kɛ nomɛlbwa ta on hɛɛ ŋɔ bá teŋe o pen.

Galaasia 2:5

Yaa wola nyin kɛ bá won berɛ Amanesoma la sie ásɛ kasinteŋ la do le tɛ heyaa la, ya ta ban sie tɛɛ kwaraa.

Galaasia 2:7

Ba ɡbabir nao kɛŋɔ Korowiirii kpɔ o waa la tɛ mɛ ŋɔ ń bol nɛra baa wola Juu tena ɛɛ la be, ɡɛ waa kpɔ o waa tɛ Pita ŋɔ ó bol Juu tena be la.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.