Galaasia 1:8 - mzwDBL

⁸ Dɛ ya bini bɛl kɛɛ Korowii nyundua torome le nyundua dɛ ba bol Yeesu Kristo bwara wobɛlbwa a berɛ korɛ anɔ la yaa dɛ baɡle heyaa la ta naa, Kórowii fuuh!

Galaasia 1:8 ပူးပေါင်းရင်းမြစ်များ

Mumpar 9:25

Asɛ o ŋɔ, “Bwɛɛlɛ Keenan! Hɛɛ ɛ yomii, dɛ́ do he dɔɔranar lɔɡa.”

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:36

Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Amanesoma Mak Aa Chwera Tɔn 14:71

Asɛ Pita ŋwɛɛ ŋɔ, “Maa baa nɔ haa dɛ bol o waa nɔ jemɛ kwara!”

We-ɛɛla 23:14

Ba la Sɔfonomonome ne bwɛɛ nomonome be dɛ ka ŋɔ ba be ŋɔ, “Ya ŋwɛɛ ntam ŋɔ dɛ ya ta Pɔɔl kpoe yaa, yaa kwaa di.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Galaasia 1:9

Gɛ ya fa aa bola la, ɡɛɛ mɛɛ bol he be ja la. Dɛ nomɛlbwa bol Yeesu Kristo Amanesoma bɛlbwa a korɛ anɔ la he fa aa noa dɛ yarada la ta naa, Kórowii fuuh!

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Taetos 3:10

Nɛn waa dɛ ba nɛra baah peɡra ne la, bol waa baɡlo ó ɡel. Dɛ o ta teŋɔ dɛɛ ɛ aa, bol waa baɡlo ja. Dɛ o ta he nɛɛtena waa la noɛ yaa, he ne o bɛ wobɛlbwa ta pɛ.

Josua 9:23

A ɡɛ waa haa ɛa nɔ, Korowii taah heya, haa ba he ba dɔ he nyu dɛɛ di pɛɛpɛɛ kpa bwa. Le fini dɛɛ kaa hɛ́ɛ dɛɛ teŋni daa, dɛ́ che nee dɛɛ la Korowii Dea.”

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.