Galaasia 1:10 - mzwDBL

¹⁰ Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Galaasia 1:10 ပူးပေါင်းရင်းမြစ်များ

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Matiu 28:14

asɛ dɛ Paelet noɔ kɛ dɛ doromii he chɔ dɛ ɡel ba won ba ŋwɛ Yeesu chɔɔ la, dɛ ɡel ba la he ne kɔɔto aa, yá bol tɛ heyaa ásɛ he kon do som.”

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

We-ɛɛla 12:20

Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

Ɛfesos 6:6

He bɛ sɔn waa koh dɛ́ kpɔ bokpeɡa dɛ́ɛ ɛ toma nɛra sie ta, kɛ hɛ́ɛ ɛ toma kɛrɛdɛ ɡɛ aa chɛ kɛ Yeesu Kristo bonɔndɛɛɡa ne toldɛɛɡa aa dɛ ɛ, dɛ́ɛ ɛ toma he bambile bwa ne á su Korowii siwi.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

1 Jɔn 3:9

Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.

1 Samoɛl 21:7

Dɛ Doeɡ waa le Edom, dɛ ɛ Kooro Sɔɔl peteɡre nomoa lɔ bela awola tɔpere la dɛɛ tomɛ Korowii.