Galaasia 1:1 - mzwDBL

¹ Men Pɔɔl maa ɛ Yeesu torome la, men chwerɛ tɔn nɔ. Nɛwɛnyini laa lee mɛ dɛ tɛ mɛ toma nɔ. Yeesu Kristo ne o Mɛɛ Korowii waa iru seo ta laanee lee mɛ.

Galaasia 1:1 ပူးပေါင်းရင်းမြစ်များ

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Amanesoma Jɔn Aa Chwera Tɔn 5:19

Belaa Yeesu chaŋ ba ŋɔ, “Kasinteŋ, n dɛ ŋɔ he be, toma Korowii aa dɛ ɛ laanee o Bie ɡe ɛɛ ɛ, dɛkalkɛ waa won kpɔ o ɡbo liire dɛɛ ɛ ɡɛ waa dɛ nyin. Anɔ la Korowii aa dɛ ɛ laanee o Bie ɡe nyiŋi dɛɛ ɛ.

We-ɛɛla 22:10

Belaa n pɛɛro ŋɔ, ‘N Dɔɔ, ɛrɛɛ mɛɛ ba ɛɛ yɔ?’ Asɛ o ŋɔ n be ŋɔ, ‘Ir la Damaskɔs ásɛ Korowii ka baɡle waa waa dɛ nyin kɛ he ɛ.’

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 10:9

Dɛ he nɛn kpɔ nyoa ŋɔ komɛlbwa Dɔɔree Yeesu, dɛ yarada he bambile bini kɛŋɔ Korowii iru seo ta naa, Korowii ɛɛ lɛɛ,

Tɔn Pɔɔl Aa Chwerɛ Rom Tena 14:9

Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.

1 Kɔrent 1:1

Menee Pɔɔl aa too Korowii tea asɛ o lee mɛ ŋɔ ń ba ɛ Yeesu Kristo torome la. N ne n dɔŋ Sɔɔstenes bwaa chwerɛ tɔn nɔ dɛɛ tɛ he asɔre tena haa lɔ Kɔrent dɛɛ tomɛ Korowii la.

2 Kɔrent 1:1

Men Pɔɔl aa too Korowii tea asɛ o lee mɛ ŋɔ ń ɛ Yeesu Kristo torome la, n ne ya dɔŋ Timotii chwerɛ tɔn nɔ. Ya chwerɔ dɛɛ tɛ asɔre tena baa dɛ tomɛ Korowii Kɔrent, ne Korowii nɛra ba wa aa toɡra bwa baa lɔ Akaya harɛ ta.

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

Galaasia 1:17

N ta Jerusalam laŋɛ dɛ ka na nɛra baa tɔ sie ɛ Yeesu toroma n nɛɛ la mɔɔ. Pae n den pa sie kaa Arab harɛ. Maa le bela la, n baa kaa Damaskɔs.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

2 Timoti 1:1

Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,