Felepae 3:19 - mzwDBL

¹⁹ Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Felepae 3:19 ပူးပေါင်းရင်းမြစ်များ

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Ɛsekeɛl 13:19

He chɔɡ mɛ dɛɛ tɛ n nɛra, dɛ lɛ mea nɔndela tama ne paanoo tama dɛɛ le ba be. Dɛ teŋe nyosone dɛɛ kpoo nɛra baa wola chɛ kɛ he kpoo, dɛɛ ɡel banɔ la baa chɛ kpoora. Gɛɛ he teŋe nyosone dɛɛ tɛ n nɛra asɛ baa yarada he wa.’

Ɛsekeɛl 34:3

He dɛ nyɔ a elne, dɛ kpɔ a pona ɛ yale dɛɛ tɔ, dɛ kpoo anɔ la aa wera dɛɛ di. Kɛ haa a nɛɛ nyiŋi.

Hosia 4:7

He sɔfore, haa dɛ warɛ la, dɛ he dɛ ɛɛ mɛ wechɔɡa kohona. Anomanta, mɛɛ ɡeloo he jirima berɛ sihiih.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Maeka 3:5

Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

Malakae 1:12

Kɛ he sɔfore dɛ chɔɡ n sɔn dɛ ŋɔ n saraha kon la kah doŋa. He ŋɔ kondikwaa baa kpɔa dɛɛ ba o ta la ɡe ta jirima dɔe, dɛ ɛ konsale.

Matiu 16:23

Belaa Yeesu laa o te berɛ dɛ kɔr Pita ŋɔ, “Le n jwɛh, Bɔnsam! He dɛ neɡ mɛ ń ɛ wechɔɡa, dɛkalkɛ haa anɔ la Korowii aa dɛ nyin la lii, nemenɛ nɛra tetoowa.”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 18:4

Dɛ kɔɔto nomoa la aa sie do o be, dɛ ɡel a biɡri. A habɔɔ la, o lii o nyu bini ŋɔ, ‘Maa Korowii ɔmɛ, maa nɛn ɡe heeh,

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

1 Kɔrent 5:6

Aa were kɛŋɔ hɛɛ maŋkura he te. Haa jemɛ kɛŋɔ iisi tama wono ɡel men damanta ɛɛ uɡe aa?

2 Kɔrent 11:12

Waa maa dɛ ɛ nɔ, maa a ɛɛ ɡela ba. Mɛɛ dɛɛ ɛ ɡɛɛ, ásɛ nɛra baa dɛ maŋkura ba te ŋɔ tombeŋkpoŋii ya ne baa ɛ la bɛ won dɔ ŋwɛnɛ dɛɛ maŋkura ba te.

2 Kɔrent 11:15

Anomanta, dɛ Bɔnsam bonɔɔna ɡe beɡre ba te kɛŋɔ, banee dɛɛ chaɡle ŋwɛnɛ yaa kpɔ o ta dɛ ɛ nɛndɛɛɡa ya waa ɛɛ su Korowii siwi aa, dɛ a ta nyokpowaa ɛɛ. Korowii ɛɛ bɔ ba kemee ɡɛ ba toma aa doa.

Galaasia 6:13

Nɛra baa sɛah ba teŋni ba pena la, ba ɡba aa Mosis Mmara la bwa ta teŋɛ. Ba dɛ nyin ba teŋni he pena ásɛ dɛ won kpɔ a waa dɛɛ ta nyoa.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

Kolosi 3:2

Hé ɡel he liire bwa do kwaa aa lɔ nyundua la ta, dɛ́ ɡel kwaa aa lɔ harɛ nɔ ta,

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

2 Tesalonika 2:12

ásɛ o won pa nomɛlbwa waa wola sɛɛh dɛ teŋɛ o kasinteŋ waa la ta kɛ dɛɛ ɛ wechɔɡa o sie lɛ a ta la bolchɔɡe.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

2 Timoti 3:4

Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii.

Jems 4:16

Kɛ taraken he dɛ ɛ mbarafo kɛ he ɡbo ɛɛ wonoo ɛ ɡɛ haa dɛ nyin. A ɡɛ waa la bwa ɛ wechɔɡa.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

2 Pita 2:13

Wahala baa ɡela nɛra ɛɛ na la, ba ɡe ɛɛ na a dɔŋaa. Waa ba sie aa dɛ lɛ a taa kɛŋɔ ba bodia waa baa dɛ ɛa bochaah la. He ne baa pɛa dɛɛ di kwaa nɔ, ba do kɛ doŋa dɛɛ chɔɡ he wer. Ba sɔɔh dɛɛ ɛ bodia waa he habɔɔ taeh.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Tɔn Jud Aa Chwera 1:10

Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

1 Samoɛl 2:29

Ɛrɛɛ n saraha kwaa ne kwaa baa dɛ kpoora, n lea cheɡ ŋɔ bá kpɔ baa tɛ mɛ bela maa lole la, he nyiŋa dɛɛ vah nɔɔ? He duu he bibaala dɛɛ ɡwaa mɛ, saraha kwaa n nɛra Israel tena aa kpɔa baa tɛ mɛ la, he kpɔ a bodɛɛɡa bɔra la di dɛ je faɡra.’