Felepae 2:29 - mzwDBL

²⁹ Hé kpɔ silɛɛ dɛ́ lɛo, teŋa he ne o bwa aa dɛ teŋɛ ya Dɔɔ nɛɛ la nomanta. Hɛ́ɛ duu nɛra baa do kɛŋɔ on.

Felepae 2:29 ပူးပေါင်းရင်းမြစ်များ

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

1 Tesalonika 5:12

Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la.

1 Kɔrent 16:18

dɛ ba do mɛ ɡbemba taeh, dɛ do he ɡe ɡbemba. Hɛ́ɛ duu nɛra baa do ken nɔ.

Tɔn Pɔɔl Aa Chwerɛ Rom Tena 16:2

Hé lɛo ja he nɛɛ ɡɛ aa chɛ kɛ Korowii nɛra lɛ ba dɔŋ la ya Dɔɔ Yeesu nomanta. Komɛlbwa waa dɛɛ nyin dɛ le he be la, hé chao, dɛkalkɛŋɔ o ɡba cha Korowii nɛra ba wa aa toɡra taeh. N ɡbabir nɔ, o cha mɛ ka.

2 Kɔrent 10:18

Naate waa dɛ kpɛɛ o te la, o laa nɛndɛɛɡe. Naate Korowii aa dɛ kpɛɛro la, onee nɛndɛɛɡe.

1 Kɔrent 16:10

Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.

3 Jɔn 1:10

Anomanta, dɛ n balaa, mɛɛ bol o waa, dɛ́ bol ɡɛ waa dɛ chɔɡ yaa dɛ kpɔ waa dɛɛ dawɛ yaa la. A ɡbo laa wɛɛ ɛ. O ta sɛɛh dɛɛ nyiŋi yabala baa vala dɛɛ bol Yeesu Kristo waa la. Dɛ bane ɡe dɛ nyin bá lɛɛ ba dɛ́ nyiŋ ba aa, waa ɡelɛ baa lɛɛ ba, dɛ yon doŋi ba bwa le ba bini.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Kolosi 4:10

Aristakus baa do n ne on dea la, ne Banabas nime Mak dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne.

2 Kɔrent 7:2

Hé kpɔ he bambile tɛ yaa dɛɛ no ya wa. Ya ta he bɛlbwa wechɔɡa ɛɛ. Ya ta bɛlbwa chɔɡɛ, ya ta bɛlbwa neɡrɛ di ɡe bwa.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

We-ɛɛla 28:10

Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.

We-ɛɛla 8:8

asɛ bwɛjen la tena sie lɛ kɛrɛdɛ.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Luk Aa Chwera Tɔn 9:5

Dɛ bwɛɛ la tena ta heyaa lɛɛ silɛɛ ne naa, hé pee he napaala teera ta bela dɛ́ le bela, ásɛ a baɡle kɛŋɔ he kpɔ Korowii Waa ba ba be ba vɛah.”

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Felepae 2:28

Ate waa n siwi swɛɛ mɛɛ nyin kɛŋɔ ń tomɔ he be ásɛ he nao he sie lɛ, ásɛ he waa bɛ men dɛɛ ha kohona.