Felepae 2:27 - mzwDBL

²⁷ O fa we weela dɛ chɔ fɔɡɛ taeh, dɛ fe ɛɛ ba sewa. Kɛ Korowiirii na o sum dɛ sune n ne o bwa nɛ. Dɛ o fe sewaa, n tea bini fe chɔɡɔ dɛ́ ja n wahala ta.

Felepae 2:27 ပူးပေါင်းရင်းမြစ်များ

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

2 Kɔrent 2:7

A chɛ kɛ he kpɔ o wechɔɡa kɛo name, dɛɛ doo ɡbemba. Gɛ laa, o tea bini chɔɡɔ kohona aa, wɛɛ horɔɔ.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

We-ɛɛla 9:37

A ɡɛ saŋ Pita aa lɔ Leda la, Tabita bwara weo o sewɛ, asɛ ba sɔɔ ne dɛ kpɔɔ bil abrɔsane bɛl doa.

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 8:18

N bambile chɔɡɔ kohona, asɛ n loo ku.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

2 Koranar 20:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

Jeremia 45:3

“He ŋɔ n be ŋɔ, ‘N bwɛɛlɛ. Korowii kpɔ suna dii ba ja n wenaale ta, n koɔh n hima maa dɛ hime ta, maa onɛ bwa.’ ”

Felepae 2:26

dɛkalkɛŋɔ, he pɛla lawɔ wɛɛ lii he bwa waa taeh. A dɛ hao kohona kɛŋɔ haa no o weela wa.

Felepae 2:28

Ate waa n siwi swɛɛ mɛɛ nyin kɛŋɔ ń tomɔ he be ásɛ he nao he sie lɛ, ásɛ he waa bɛ men dɛɛ ha kohona.