Felepae 2:26 - mzwDBL

²⁶ dɛkalkɛŋɔ, he pɛla lawɔ wɛɛ lii he bwa waa taeh. A dɛ hao kohona kɛŋɔ haa no o weela wa.

Felepae 2:26 ပူးပေါင်းရင်းမြစ်များ

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Sɛɡla 12:25

Waa liira kohona do kɛŋɔ bone ken, asɛ wobodɛɛɡa ɡe ɛɛ sɔɔh baah.

Felepae 4:1

Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.

Tɔn Pɔɔl Aa Chwerɛ Rom Tena 9:2

N tea bini chɔɡɔ, n bambile ɡe aa n wee ɡel bwa.

Matiu 26:37

O kpɔ Pita ne Sebedii bii banɛ la dɛ kaa bela. Dɛ o loo kuu, o ta nae ɡɛ bwa waa ɛ o te.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Yela 69:20

Chɛɡa ɡelɔ n bambile chɔɡ, dɛ ɡel n liire bwa damɛ. N dɛ nyin nomɛl ó fee ba larawe n bwara, n ta nɛn nae, kɛɛ nomɛl ba do mɛ ɡbemba, kɛ nɛn toole.

2 Samoɛl 13:39

Dɛ kooro bambile lawɔ kɛŋɔ ó la Absalɔm be ka nao, dɛkalkɛ o dɔ bolarawa le Amnɔn seo la ta.

1 Pita 1:6

Anomanta, he dɔ silɛɛ kohona, kɛ he tea bini ɛɛ chɔɡoo tama te, dɛkalkɛŋɔ Bɔnsam ɛɛ daah heyaa daahna bwa soo siwii na.

Felepae 1:3

Saŋ bɛlbwa maa lii he waa la, n dɛ jam N Naa Korowii he wa,

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

2 Kɔrent 9:14

He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Tɔn Pɔɔl Aa Chwerɛ Rom Tena 1:11

N sie cheɡɛ chiŋ mɛɛ nyin kɛ n na heyaa dɛ́ cha heyaa waane Korowii Domadɛɛɡe la aa tɛ mɛ ne, ásɛ he do kpeɡri he teŋa haa dɛ teŋɛ Yeesu nɛɛ la ta.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

Job Tɔn 9:27

Dɛ n ŋɔ mɛɛ soh n weweelee yaa, atane n tɔ nyoa, dɛ́ kwaa n sie do, dɛ mamɛ.

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

Felepae 2:25

N liiro kɛŋɔ a hiaoh kɛ ń tomɛ ya dɔŋ Epafrodaetɔs he be. N ne onee dɛɛ ɛ toma nɔ, dɛ yo dɛɛ tɛ Korowii. Onee he faa tomɛ n be o ba cha mɛ la. N ɡee berɔɔ tomɔ he be,

Felepae 2:27

O fa we weela dɛ chɔ fɔɡɛ taeh, dɛ fe ɛɛ ba sewa. Kɛ Korowiirii na o sum dɛ sune n ne o bwa nɛ. Dɛ o fe sewaa, n tea bini fe chɔɡɔ dɛ́ ja n wahala ta.