Felepae 2:22 - mzwDBL

²² He ɡba jemɛ ɡɛ o waa aa dɔ kasinteŋ dɛ do wer. N ne o pɛo wɛɛ cha mɛ Amanesoma toma la ta kɛŋɔ bechala ne o mɛɛ.

Felepae 2:22 ပူးပေါင်းရင်းမြစ်များ

We-ɛɛla 16:2

Dɛ asɔre tena baa lɔ Lestra ne Ikooniam la bwa dɛ yerɛ Timoti sɔndɛɛɡe taeh.

Tɔn Pɔɔl Aa Chwerɛ Rom Tena 5:4

Bambile dɔe nɔ taa aa ba cheɡa, ásɛ dɛ Korowii daah yaa na naa, ya waa won dɔ kasinteŋ. Ya waa dɔ kasinteŋ Korowii be naa, an dɛɛ ba ɡela ya dɔ hwɛɡa.

1 Kɔrent 16:10

Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 8:22

A waa ya tomɛ ya dɔŋ ŋɔ ó ne ba ba la. Ya daahno na kera aŋwɛnɛ bwa, dɛ na kɛŋɔ saŋ bɛlbwa la, o siwi swɛɛrɔ kɛŋɔ o cha toma nɔ. Taraken te kwaraa la, o siwi beɡrɔ kɛŋɔ ó cha heyaa kohona, dɛkalkɛŋɔ o dɛ yarada heyaa kohona.

2 Kɔrent 8:24

Anomanta, hé ɡel ba na ɡɛ haa dɛ nyin nɛn, ásɛ asɔre tena bwa no, dɛ́ jemɛ kɛŋɔ yaa koh he waa dɛɛ maŋkura ya te la, pɛɛ laa.

2 Kɔrent 8:8

N ta bolɛ dɛɛ bil a ɛ lao kɛŋɔ hɛ́ɛ kɛ. N dɛ nyin n jemɛ kɛŋɔ he nɛnnyin la ɛ nɛnnyin kasinteŋ. A waa n baɡle ɡɛ bane siwi aa swɛɛ kwaa kɛɛ ta la.

Felepae 1:12

Yabala, n dɛ nyin kɛ he jemɛ kɛŋɔ wedɛɛɡa le waa aa chiɡ n nɛɛ la ta, dɛ́ ɡel Amanesoma la won kaa sie.

Felepae 1:16

Ba te la, nɛnnyin waa baa ɛa, dɛkalkɛ ba jemɔ kɛŋɔ Korowiirii kpɔ toma nɔ tɛ mɛ ŋɔ ń yo lɛ Amanesoma la cheɡ.

Felepae 1:5

pɛɛ ya ne he bwa aa pɛa dɛɛ cha dɔŋa Amanesoma toma la ta le mumpar ba le fini la nomanta.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

Felepae 2:20

N ne o ɡboo dɔ liire beŋkpoŋ he wa. Anomanta, n jemɔ kɛ onee he waa do o bambile bini wɛɛ nyin he ne andɛɛɡa.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

1 Timoti 1:2

N bie Timotii n chwerɛ tɔn nɔ dɛɛ tɛ. Menee bol Korowii Waa he no dɛ yarada, dɛ berɛ n bie a ta la. Ń Naa Korowii ne ya Dɔɔ Yeesu Kristo chae dɛ́ na he sum, dɛ́ tɛɛ bosɔɔhna.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

2 Timoti 1:2

N bidɛɛɡe Timoti, n dɛ nae. Ń Naa Korowii ne ya Dɔɔ Yeesu Kristo chae, dɛ́ na he sum, dɛ́ tɛɛ bosɔɔhna.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.