Felepae 2:2 - mzwDBL

² amɔ hé ɛ waane dɛɛ ja, ásɛ n sie lɛ kohona ka tonɛ. N dɛ nyin kɛŋɔ he bwa dɔ nyopɛo, ásɛ he liire ne he dɔŋa nyina ne wobɛlbwa haa lii la bwa won ɛ beŋkpoŋ.

Felepae 2:2 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

3 Jɔn 1:4

Saŋ bɛlbwa maa no n bii waa kɛŋɔ ba dɛ teŋɛ kasinteŋ la ta la, n baah dɛ sɔɔh mɛ ɡwaa komɛlbwa.

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

2 Jɔn 1:4

N sie lɛo kohona kɛ maa na he bii la bane kɛ ba teŋɛ kasinteŋ waa la ta ɡɛ ya Mɛɛ waa lɔ nyundua la aa ŋɔa yáa ɛ la.

2 Tesalonika 2:13

Anomanta, a chɛ kɛŋɔ yá jam Korowii saŋ bɛlbwa he wa, yabala. O dɛ nyin heyaa kɛrɛdɛ, dɛ le harɛ mumpar la bwa le heyaa kɛŋɔ wɛɛ lɛ heyaa. O Domadɛɛɡe aa ɡela he doŋa bwa le he nɛɛ la, ne ɡɛ haa no o kasinteŋ waa dɛ yaradaa la, a waa o lɛ heyaa la.

Kolosi 2:5

N toole he be, kɛ n liire te lɔ he be. Anomanta, a do n som kɛ he bwa aa pɛa, asɛ dɛ lawɛ yaradae haa dɛ yarada Yeesu Kristo la bini kpoŋe kiŋkiŋ la.

Felepae 4:2

N dɛ soŋe Yoodia ne Sentiki kɛŋɔ bá kwaa ba baah dɛ́ ɛ beŋkpoŋ pɛɛ ya ne ya Dɔɔ aa pɛa la ta.

Felepae 2:20

N ne o ɡboo dɔ liire beŋkpoŋ he wa. Anomanta, n jemɔ kɛ onee he waa do o bambile bini wɛɛ nyin he ne andɛɛɡa.

2 Kɔrent 7:7

O bala la ɡbo laa larawe ya bwara. O baa baɡle ɡɛ waa baa na heyaa o ɡbabir bambile sɔɔhno he wa. O bolɔ ŋɔ n waa dɛ ɛ heya, dɛ ŋɔ waa n fa aa bola la ɡelɔ he tea bini chɔɡ. O baɡle ɡɛ haa cheɡɛ n habɔɔ dɛ yo dɛɛ tɛ mɛ. Anomanta, name kwaraa n sie lɛ kohona.

2 Kɔrent 2:3

A waa n chwerɛ heyaa tɔn la. Dɛ maa nyin kɛ he nɛra haa chɛ kɛ he ɡel n sie lɛ la, n ba he be ásɛ he berɛ ba ɛɛ mɛ tebinichɔɡ wa, dɛkalkɛŋɔ n jemɛ he bwa waa kɛ n silɛɛ he silɛɛ.

We-ɛɛla 5:12

Dɛ Yeesu toroma la dɛ ɛ wekpeɡa ne nyokpowaa nɛra la bini. Dɛ asɔre tena la dɛ cheme Korowii Dea la dahara bobɛl baa dɛ yerɛ bela Solomɔn Pato la ta.

We-ɛɛla 1:14

Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.

Felepae 1:4

dɛ́ yon kpɔ silɛɛ dɛ́ soŋo dɛɛ tɛ he bwa,

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

2 Timoti 1:4

N lii wii awola haa wia la aa, ɡɛɛ n sie che chiŋ mɛɛ nyin n ba nae ásɛ n sie lɛ kɛrɛdɛ.

We-ɛɛla 2:1

Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

Faelemɔn 1:20

Anomanta, n dam, ɡel n ɡe dɔ tɔnɔ dɛ́ le nyopɛo n ne haa cheɡɛ Yeesu Kristo nɛɛ dɛ dɔ la ta, ásɛ n baah sɔɔh mɛ.

Yela 122:8

N lolanar ne n daamanar nomanta, n soŋe deŋnesɔɔhna dɛɛ tɛ Jerusalam tena!