Felepae 2:17 - mzwDBL

¹⁷ Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

Felepae 2:17 ပူးပေါင်းရင်းမြစ်များ

Nɛra Kura 28:6

A ɛ saŋ bɛlbwa saraha baa dɛ fuh a bwa dɛɛ tɛ Korowii, a sɔɔh ɛɛ do o som. Sinai Bwejen taa bá pa a mun, á ɛ saraha baa dɛ fuah.

Nɛra Kura 28:7

Hé kpɔ sen pɛrɛntoa beŋkpoŋ ne tama ne loɡla pebale la, dɛ́ ba fuɡe sen la ta saraha kon la ta, ásɛ a ɛ sen saraha.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

2 Kɔrent 4:12

Anomanta, a kaa ɛ kɛ ya te dɛ sewɛ, asɛ he te ɛɛ dɔ mkpa dɛ le ya seo la ta.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

2 Kɔrent 7:4

He waa dɔ kasinteŋ n be. He ɡelɔ n baŋa ɛɛ pa taeh. Ya wenaale yaa dɛ na bwa habɔɔ la, n bwara ta hwaeh. N sie ta dɛ lɛ taeh.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Felepae 2:18

Gɛ tentenee a chɛ kɛŋɔ hé ɡe sie lɛ, ásɛ n pu heyaa lɛ sie.

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

1 Tesalonika 2:8

Ya nyin he waa ya bambile bwa ne. Korowii Amanesoma la ɡbo ne laa ya ba he be. Yaa nyin he waa ɡɛ la, a ɛ yaa silɛɛ kɛŋɔ ya kpɔ ya te ja wobol la ta dɛ tɛ heya.

2 Timoti 4:6

N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.