Ɛsra 9:8 - mzwDBL

⁸ Kɛ taraken nɔ, n Naa Korowii yaa dɛ tomɛ, he sune ya nɛɛ tama bɛl, dɛ ɡel ya bini bane won chwa le yoma yawa ta, dɛ ba so deŋnesɔɔhna ta he Dea ta. He ɡelɔ ya dɔ ya te, dɛ tɛ yaa mkpafale.

Ɛsra 9:8 ပူးပေါင်းရင်းမြစ်များ

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 9:31

Kɛ he nɛn nɛɛ suna aa kana nomanta, he ta ban vɛɛh kɛɛ dɛ chɔɡ ba. He ɛ Korowii haa dɛ sune nɛra nɛɛ dɛɛ na ba sum.

Job Tɔn 33:30

dɛ́ lawɔ le seo ta, ó bɛ sewɛ, dɛ́ so mkpa ta silɛɛ ne.

Yela 13:3

N Naa Korowii maa dɛ tomɛ, no n be dɛ́ cha mɛ, ɡel n do kpeɡri ja, bɛ ɡel ń sewɛ,

Yela 13:4

a ba ɡɛ naa, n dɔma ɛɛ ŋɔɔ ba pɔ n nɛ, n horaa, baa hɛɡroo.

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Yela 34:5

Nɛra baa kpɔ ba te dawɛ o nɛɛ sie dɛ lɛ, sihiih aa ban kpo bwa.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Sɛɡla 29:13

Nɛn waa nyaa ne nɛn waa dɛ fiiɡi nyaa la te bwa beŋkpoŋ, Korowiirii tɛ bɛlbwa sie o kpɔ dɛɛ na wa.

Wejereme 12:11

Wejereme wobol do kɛŋɔ, daa peteɡre aa kpɔa dɛɛ teɡɛ peera ken. O wobosɛɡla ɡe do kɛŋɔ, baa lɔ dadowɛre do kon ta, a lawɔ kpoŋe. Korowiirii ɛ Peteɡre beŋkpoŋ waa lole dɛ tɛ ya bwa.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Ɛsekeɛl 14:22

Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta.

Hosia 6:2

Tɔpera anɛ habɔɔ la wɛɛ lawɛ yaa ir, tɔpetooro wee la, wɛɛ berɔ ba ya ne ya buɡ ta, ásɛ ya do o sie.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Sefania 3:12

Nɛra ba waa aa pwɛra ne nɛra baa kpɔ ba te dawɛ n nɛɛ laanee dɛ́ so bela, ásɛ ba ba n be, ń cha ba.

Sekaria 10:4

Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Sekaria 8:6

Nɛra baa ba ka ɡɛ saŋ la ɛɛ ŋɔɔ aa won maɡre, n te be te, aa kpeɡe.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

1 Samoɛl 14:27

Kɛ dɛ Jonatan te ta noɛ kɛ o mɛɛ ŋwɛɛrɔ ŋɔ bɛlbwa bɛ ɡel kondikwaa leɡe o nyoa. O tɛr daŋɡbala do tohvaahna la ta dɛ di ane, buɡ la ta, o sie deŋu o dɔ bokpeɡa.

1 Samoɛl 14:29

Anee Jonatan ŋɔ, “N mɛɛ kpɔ waa aa wola were ba ta ya harɛ nɔ nɛra nɛ. Na ɡɛ n bwara bini aa chaah mɛ, tooh tama maa dia nɔ nomanta.